By Arakan Princess Media / 2024 April 5
ဧပြီ ၄ ရက်နိ၊ နိခင်း၂ နာရီ ၄၅ မိနစ်အချိန်လောက်မာ ရက္ခိုင်ပြည်၊ကျောက်တော်မြို့ကို အကြမ်းဖက်စစ်ကောင်စီက ဂျက်ဖိုက်တာနှစ်စီးနန့် လာရောက်ဗုံးကြဲတိုက်ခိုက်ခလို့ အပြစ်မဲ့ပြည်သူတယောက် သီဆုံးလားပြီးကေ ၆ ယောက် ထိခိုက်ဒဏ်ရာရလားခရေလို့ သိရပါရေ။
အကြမ်းဖက်စစ်ကောင်စီက ကျောက်တော်မြို့ကို ဂျက်ဖိုက်တာ နှစ်စီးနန့် ၂ နာရီ ၄၅ မိနစ်မာ တကြိမ်၊ ၂ နာရီ ၅၂ မိနစ်မာ တကြိမ်၊စုစုပေါင်း နှစ်ကြိမ်တိုင်တိုင် လာရောက် ဗုံးကြဲတိုက်ခိုက်ခစွာ ဖြစ်ပါရေ။
ယင်းပိုင် လူမဆန်စွာ အကြမ်းဖက် ဗုံးကြဲတိုက်ခိုက်မှုကြောင့် ကျောက်တော်မြို့၊ မြို့သစ်ရပ်ကွက်က အသက် ၁၈ နှစ်အရွယ်လူငယ်တယောက် ဗုံးစကျပနာ နီရာမာပင် ဂွင်းချင်း သီဆုံးလားခရေလို့ဆိုပါရေ။
အလားတူ ကျောက်တော်မြို့ပေါ်ရပ်ကွက်တိက ၆ နှစ်အရွယ် အချေတယောက် အပါအဝင် အပြစ်မဲ့အရပ်သားပြည်သူ ၆ ယောက်ထက်မနည်းလည်း ဗုံးစထိမှန် ဒဏ်ရာရလားကြောင်း သတင်းရဟိပါရေ။
https://www.facebook.com/arakanprincessmedia1/posts/443710794720547