By DMG / 2024 October 16
မျောက်တွေနဲ့ လူသားတွေကြားမှာ အပြန်အလှန် အမှီပြုနေကြတာကို ရခိုင်ပြည်၊ ကျောက်တော်မြို့မှာ တွေ့မြင်ရပါတယ်။
သေလာဂီရိမောရပဗ္ဗတ ကျောက်တော်တောင်ကို အမှီပြုပြီး နေထိုင်နေကြတဲ့ မျောက်တွေဟာ လူသားတွေဆီက ကျွေးမွေးတဲ့အစာတွေနဲ့ ရှင်သန်နေထိုင်ကြပါတယ်။ အဲဒီမျောက်တွေကို အမှီပြုပြီးတော့ မျောက်စာရောင်းချပြီး ဝမ်းစာရှာဖွေနေကြတဲ့ လူတချို့လည်း ရှိကြပါတယ်။
လက်ရှိ ရခိုင်မှာဖြစ်ပွားနေတဲ့ စစ်ရေးပဋိပက္ခတွေကြောင့် မျောက်တွေဟာ အစာရေစာရှားပါးမှုနဲ့ ကြုံတွေ့နေကြသလို မျောက်တွေကိုအမှီပြုပြီး ဝမ်းစာရှာနေကြတဲ့ လူအချို့ဟာလည်း အခက်အခဲ ကြုံတွေ့နေကြရပါတယ်။