By Arakan Princess Media / 2024 June 27


ဂျုန် ၂၆ ရက်နိမာ မောင်တောမြို့နယ်က စစ်ဖီးယှောင်မူဆလင်ပြည်သူ ၄၀၀၀ ကျော်ကို ရက္ခိုင်အမျိုးသားအဖွဲ့ချုပ်/အာရက္ခတပ်တော် ULA/AA တပ်ဖွဲ့ဝင်ရို့က ဖီးလွတ်ရာသို့ ကူညီပို့ဆောင်ပီးခကတ်တေလို့ သိရပါရေ။
ယင်း မူဆလင်စစ်ဖီးယှောင်ပြည်သူတိစွာ မောင်တောမြို့နယ် ရွှီဇားအုပ်စု၊ ရပ်ရွာတိက ပြည်သူတိဖြစ်ပြီးကေ စစ်ကောင်စီ၏ လက်နက်ကြီးပစ်ခတ်မှု၊ ဂျက်ဖိုက်တာနန့် ဗုံးကြဲပစ်ခတ်မှုတိကြောင့် ရပ်ရွာတိအတွင်းက တိမ်းယှောင်လာကတ်စွာလို့ ဆိုပါရေ။
သူရို့ကို ULA/AA တပ်ဖွဲ့ဝင်ရို့က ကား၊ သုံးဘီးတိနန့် လိုက်ပါပို့ဆောင်ခကတ်ပြီးကေ လုံခြုံရေနီရာတိမာ နီရာချထားပီးခရေလို့ သိရပါရေ။
အလားတူ ဂျုန် ၂၅ ရက်နိကလည်း မောင်တောမြို့နယ်၊ ဇိန်တူလာမူဆလင်ရွာက လမ်းလျှောက်လို့မလားနိုင်ဘဲ ရွာမာကျန်ခရေ သက်ကြီးရွယ်အို မူဆလင်ပြည်သူတိနန့် ကျန်းမာရီးမကောင်းသူတိကို အာရက္ခတပ်တော် တပ်ဖွဲ့ဝင်ရို့က ကူညီကယ်ထုတ်ပနာ ဖီးလွတ်ရာသို့ ပို့ဆောင်ပီးခကတ်တေလို့ သိရပါရေ။
https://www.facebook.com/arakanprincessmedia1/posts/492405423184417