အမ်းက စစ်ဖီးယှောင်ပြည်သူ တယောက်ကို အကြမ်းဖက်စစ်ကောင်စီ မတရားဖမ်းဆီး

By Arakan Princess Media / 2024 April    3

အမ်းမြို့နယ်မာ ဧပြီ ၂ ရက်နိ၊ နိခင်း ၁ နာရီ ၄၇ မိနစ်အချိန်၊ စစ်ဖီးယှောင်ပြည်သူတယောက်ကို အကြမ်းဖက်စစ်ကောင်စီတပ်က မတရားဖမ်းဆီးလားကြောင်းသိရပါရေ။

အကြ​မ်းဖက်စစ်​ကောင်စီ၏ မတရားဖမ်းဆီးခြင်း ခံခရလူမာ အမ်းမြို့နယ်၊ လုံးရပ်ရွာက ဦးဇင်မင်းမင်း (၃၂ နှစ်)ဖြစ်ပါရေ။

ဦးဇင်မင်းမင်စွာ လုံးရပ်ရွာကနီ အမ်းမြို့နယ်၊ ခရမ်းကျွန်းရွားအနားဟိ ညောင်ပင်ဝိုင်းဘုန်းကြီးကျောင်းမာ စစ်ဖီးယှောင်နီစွာဖြစ်ပါရေ။

ဧပြီ ၂ ရက်နိ၊ နိခင်း ၁နာရီ ၄၇ မိနစ်က  အမ်းအခြီစိုက် အကြမ်းဖက်စစ်ကောင်စီတပ် ခမရ (၃၇၂) တပ်ရင်းက တပ်ဖွဲ့ဝင်အင်အား ၃၀ လောက်စွာ ယင်းညောင်ပင်ဝိုင်းဘုန်းကြီးကျောင်းသို့ စီးနင်းဝင်ရောက်လာရေလို့ ဒေသခံတိက ပြောပါရေ။

ယင်းနောက် ညောင်ပင်ဝိုင်းဘုန်းကြီးကျောင်းမာ စစ်ဖီးယှောင်နီရေ ဦးဇင်မင်းမင်းကို အဆိုပါ စစ်ကောင်စီတပ်ဖွဲ့ဝင်တိက အကြောင်းပြချက်တစုံတရာမဟိပဲ ဖမ်းဆီးလားခစွာလို့ သိဟိရပါရေ။

https://www.facebook.com/arakanprincessmedia1/posts/442724261485867

Leave a Reply

Your email address will not be published.