မြေပုံ၊ စညှင်းရွာ အရှိဖက်ဟိ အကြမ်းဖက်စစ်ကောင်စီ၏ ပွိုင့် (၂၅၇) စခန်းကို ရက္ခိုင့်တပ်တော် ထိုးစစ်ဆင် တိုက်ခိုက်နီ

By Arakan Princess Media / 2024 April    3

ရက္ခိုင်ပြည်၊ မြေပုံမြို့နယ်၊စညှင်းရွာအရှိဖက်ဟိ အကြမ်းဖက်စစ်ကောင်စီ၏ ပွိုင့်(၂၅၇)စခန်း ကို ဧပြီ ၂ ရက်၊ မိုးထကစပနာ ထိုးစစ်ဆင်တိုက်ခိုက်နီရေလို့ ရက္ခိုင့်တပ်တော် AA က ဧပြီ ၃ ရက်နိ သတင်း ထုတ်ပြန်ပါရေ။

ထုတ်ပြန်ချက်အတွင်း “ရက္ခိုင်ပြည်၊ မြေပုံမြို့နယ်၊ စညှင်းရွာအရှိဖက်မီတာ(၁၅၀၀)ခန့်အကွာဟိ စစ်ကောင်စီ၏ ပွိုင့်(၂၅၇)စခန်း အား၂၀၂၄ ခုနှစ်၊ ဧပြီလ(၂) ရက်၊ မိုးထ (၆) နာရီ (၂၀)မိနစ် မှ စတင် ထိုးစစ်ဆင်တိုက်ခိုက်ခပြီး ဒေနိတွင် ဒုတိယနိထိုးစစ်အဖြစ် ဆက်လက်ထိုးစစ်ဆင်တိုက်ခိုက်လျက်ဟိသည်” လို့ ဖော်ပြထားပါရေ။

ယင်းစခန်းစွာ ရန်သူ၏ ရှိတန်းအမှတ်(၅)စစ်ဆင်ရီးကွပ်ကဲမှုဌာနချုပ်အောက်မာဟိရေ နည်းဗျူဟာ အမှတ်(၃) စခန်းလို့ ရက္ခိုင့်တပ်တော်က ဆိုပါရေ။

အကြမ်းဖက်စစ်ကောင်စီစွာ လီကြောင်းပစ်ကူတိကို အသုံးပြုပြီးကေ၊ အသည်းအသန် ခုခံကာကွယ်နီရေပိုင်၊ ရက္ခိုင့်တပ်တော်ဖက်ကလည်း ထိုးစစ်ကို တဆင့်ချင်း တဆင့်ချင်း အယှိန်မြှင့်လျက်ဟိရေအတွက် တိုက်ပွဲတိပြင်းထန်နီခရေလို့လည်း ရက္ခိုင့်တပ်တော် AA ၏ သတင်းထုတ်ပြန်ချက်မာ ဖော်ပြထားပါရေ။

https://www.facebook.com/arakanprincessmedia1/posts/442886091469684

Leave a Reply

Your email address will not be published.