ကျောက်ဖြူမြို့၊ ရမ္မာဝတီခန်းမထဲမာ ဖမ်းထားရေ လီကြောင်းခရီးသည် ၁၀၀ လောက်က  ၅ ယောက်ကို ရန်ကုန် ပြန်ပို့

By Arakan Princess Media / 2024 March    2

ဖေဖော်ဝါရီ ၁၈ရက်နိကစလို့ ရန်ကုန်မှ ကျောက်ဖြူသို့ လီကြောင်းနန့် လိုက်ပါလာရေ ခရီးသည် တရာကျော်ကို စစ်ကောင်စီက ဖမ်းဆီးပနာ  ကျောက်ဖြူမြို့၊ ရမ္မာဝတီခန်းမသို့ ထိန်းသိမ်းစစ်ဆီးလျက်ဟိရာ ယင်းခရီးသည်တိအထဲက ၅ ယောက်ကို ဒေနိ မာ့ချ် ၂ ရက်နိ၊မိုးထ ၈ နာရီမာ မြန်မာ့လီကြောင်းလိုင်းနန့်ရန်ကုန်မြို့သို့ ပြန်ပို့လိုက်​တေလို့သိရပါရေ။

ယင်းသို့ အထိန်းသိမ်းခံ ခရီးသည် ၁၀၀ လောက်အထဲက ရန်ကုန် ပြန်ပို့ခံရသူတိအတွက် ခရီးစရိတ်ကို စစ်ကောင်စီကျခံစွာမဟုတ်ဘဲ ခရီးသည်ရို့ကိုယ့်စရိတ်နန့် ကိုယ်ပြန် ကတ်ရစွာဖြစ်ပါရေ။

၂၀၂၄ ခုနှစ်၊ဖေဖော်ဝါရီ ၁၈ ရက်နိ၊ ညဇာ ၅ နာရီခန့်က ရန်ကုန်မှကျောက်ဖြူသို့မြန်မာ့လီကြောင်းလိုင်းနန့်ရောက်ဟိလာရေ ခရီးသည် (၆၇)ယောက်၊ဖေဖော် ဝါရီ ၁၉ရက်နိ၊မိုးထ ၇ နာရီ ၃၀ မိနစ်အချိန်ခန့်က ရန်ကုန်မှ ကျောက်ဖြူသို့ Air KBZလီကြောင်းလိုင်းနန့် ရောက်ဟိလာရေ ခရီး သည် (၆၀)ခန့် နန့် ဖေဖော် ဝါရီ ၁၉ ရက်နိ၊နိခင်း ၁ နာရီခန့်ကမြန်မာ့လီကြောင်းလိုင်းနန့် ရောက်ဟိလာရေ ခရီးသည် (၃၀)ခန့်ရို့ကို စစ်ကောင်စီကကျောက်ဖြူမြို့၊ အစိုးရရပ် ကွက်ဟိ ရမ္မာဝတီခန်းမသို့ခေါ်ယူပနာ ထိန်းသိမ်း စစ်ဆီးနီခပါရေ။

ယင်းခရီးသည်တိအထဲက  ကျောက်ဖြူ မြို့ထဲမာ နီထိုင်ပြီးကေ အိမ်ထောင်စုစာရင်းပြနိုင်ရေ ခရီးသည်အနည်းချေကို ပြန်လွှတ်ပီးလိုက်ပြီးကေ  ကျောက် ဖြူမြို့နယ်နန့် ကျန်ရေမြို့နယ်တိကခရီးသည် ၁၀၀ လောက်ကို ရမ္မာဝတီခန်းမမာ ဆက်လက်ထိန်းသိမ်းထားပြီးကေ အဂုပိုင် ၅ ယောက်ကို ၎င်းရို့လာခရေ ရန်ကုန်သို့ ပြန်ပို့ လိုက်စွာ ဖြစ်ပါရေ။

https://www.facebook.com/arakanprincessmedia1/posts/425004886591138

Leave a Reply

Your email address will not be published.