ပုဏ္ဏားကျွန်းမာ  တိုက်ပွဲ စတင်ဖြစ်ပွား၊ စစ်ကောင် စီတပ်ဖက်က အကျအဆုံးတိဟိ

By Arakan Princess Media / 2024 February    1

ရက္ခိုင်ပြည်နယ်မြို့တော် စစ်တွေမြို့နယ် နန့် ထိစပ်နီရေ ပုဏ္ဏားကျွန်းမြို့နယ်အတွင်းမာလည်း ဂျန်နဝါရီ ၃၁ ရက်နိက ရက္ခိုင့်တပ်တော် နန့် အကြမ်းဖက်စစ်ကောင်စီရို့ကြား တိုက်ပွဲတိ စတင်ဖြစ် ပွားခကြောင်း ညီနောင်မဟာမိတ်(၃) ဖွဲ့က ထုတ်ပြန်လာပါရေ။

“၂၀၂၄ ခုနှစ်၊ ဂျန်နဝါရီလ (၃၁)ရက်နိ၊မိုးထ(၉) နာရီ(၃၀) မိနစ်ခန့် အချိန်တွင် ရက္ခိုင်ပြည်၊ ပုဏ္ဏားကျွန်းမြို့နယ်၊ အောင်ဇေယျရွာနန့် အောင်​မြီကုန်းရွာကြား၌ ရက္ခိုင့်တပ်တော်နန့် အကြမ်းဖက်စစ်ကောင် စီရို့ တနာရီခန့် အကြာ နှစ်ဖက်အပြန်အလှန် ထိတွိတိုက်ခိုက်မှုဖြစ်ပွားခသည်” လို့ ညီနောင်(၃)ဖွဲ့၏ဂျန်နဝါရီ ၃၁ ရက်နိ ထုတ်ပြန်ချက်မာ ဖော်ပြထားပါရေ။

တနာရီအကြာ အပြန်အလှန် ပစ်ခတ်တိုက်ခိုက်မှု အတွင်း ရန်သူစစ်ကောင်စီစွာ လီကြောင်း၊လက် နက်ကြီးပစ်ကူတိအမြောက်အမြားကိုအသုံးပြုခပြီး နောက်ဆုတ်လားခရေလို့ သိရပါရေ။

ယင်းတိုက်ပွဲအတွင်းရက္ခိုင့်တပ်တော်ဖက်က အလ တ်စားဒဏ်ရာရတယောက် ဟိခပြီး၊ စစ်ကောင်စီဖက်က အထိ အခိုက်၊အကျအဆုံးတိဟိခကေလေ့ အတိအကျကိုတော့မသိရသိမ့်လို့ ဆိုပါရေ။

ပုဏ္ဏားကျွန်းမြို့နယ်က တိုက်ပွဲမာလည်း အထိနာလားခရေ စစ်ကောင်စီစွာ ပုဏ္ဏားကျွန်းမြို့နယ်၊ ဆားကုန်ဘုတ်ရွာကို တလိတမင် ရည်ရွယ်ချက်ဟိဟိ ရွာလုံးကျွတ် မီးတိုက်ဖျက်ဆီးခကတ်ကြောင်း သိရပါရေ။

တပြိုင်နက်တည်းမာ  စစ်ကောင်စီ၏ စစ်တွေအခြီစိုက် “အမှတ် (၁၂) ရဲတပ်ရင်း”နန့် နေဗီရို့ကလည်း အဆိုပါရွာနန့်အနားတဝိုက်သို့ လက်နက်ကြီးအလုံးရေပေါင်း (၁၀၀) ကျော်ထက်မနည်းကို နိခင်း (၁၂) နာရီအထိ ပစ်ခတ်တိုက် ခိုက်ခရေလို့ ညီနောင်မဟာမိတ်(၃)ဖွဲ့၏ ထုတ်ပြန်ချက်မာ ဖော်ပြထားပါရေ။

https://www.facebook.com/arakanprincessmedia1/posts/407670471657913

Leave a Reply

Your email address will not be published.