တောင်ပြို(လက်ဝဲ)စခန်းကို ရက္ခိုင့်တပ်တော် အပြီးသတ် သိမ်းပိုက်

ဘင်္ဂလားဒေ့ချ်သို့ လက်နက်တိနန့် ထွက်ဗြီးလားရေ စစ်ကောင်စီတပ်သား ၂၀၀ ကျော်အထိ ဟိလာ

By Arakan Princess Media / 2024 February    6

ရက္ခိုင်-ဘင်္ဂလားဒေ့ချ် နယ်စပ်၊ မောင်တောမြို့နယ်က စစ်ကောင်စီ၏ တောင်ပြို(လက်ဝဲ) နယ်ခြားစောင့်တပ်စခန်းကို ဒေနိ(ဖေဖော်ဝါရီ ၆ ရက်နိ)မာ ရက္ခိုင့်တပ်တော် (AA)က အပြီးသတ် သိမ်းပိုက်လိုက်ကြောင်း သိရပါရေ။

ကုန်ခရေ ဖေဖော်ဝါရီ ၄ ရက်နိကပင် တောင်ပြို (လက်ဝဲ)၊ တောင်ပြို(လက်ယာ) စခန်း၂ခုစလုံးကို

ရက္ခိုင့်တပ်တော်က တပြိုင်နက်တည်း ထိုးစစ်ဆင်ခရာ၊ ယင်းနိညဇာ ၆ နာရီမာ တောင်ပြို(လက်ယာ) စခန်းကို အပြီးသတ်သိမ်းပိုက် နိုင်ခပြီး၊ဒေနိခါ တောင်ပြို(လက်ဝဲ) ကိုပါ သိမ်းပိုက်နိုင်ခစွာ ဖြစ်ပါရေ။

ရက္ခိုင့်တပ်တော်၏ ထိုးစစ်ကြောင့် ဘင်္ဂလာ‌‌ဒေ့ချ်ဖက်သို့ လက်နက်တိနန့် ထွက်​ဗြီးလားခရေ စစ်ကောင်စီတပ်သားတိစွာ သုံးရက်အတွင်းမာ စုစု ပေါင်း၂၀၀ ကျော်လားယာလို့လည်း သိဟိရပါရေ။

https://www.facebook.com/arakanprincessmedia1/posts/411006984657595

Leave a Reply

Your email address will not be published.