ရခိုင်၊ မင်းပြားက စစ်ကောင်စီတပ်ရင်းကိုသိမ်းပိုက်နိုင်တယ်လို့ ညီနောင်သုံးဖွဲ့ထုတ်ပြန်

By BBC / 2024 January    29

ရခိုင်ပြည်နယ်၊ မင်းပြားမြို့နယ်မှာရှိတဲ့ စစ်ကောင်စီရဲ့ခြေမြန်တပ်ရင်းအမှတ် ၃၈၀ ကို ဇန်နဝါရီ ၂၈ ရက်နေ့မှာ တိုက်ခိုက်သိမ်းပိုက်နိုင်ပြီလို့ မြောက်ပိုင်းမဟာမိတ်ညီနောင်သုံးဖွဲ့က ဒီကနေ့မနက်အစောပိုင်းမှာသတင်းထုတ်ပြန်လာပါတယ်။

မင်းပြားမြို့မှာရှိတဲ့ စစ်ကောင်စီတပ်ရင်းတွေကို ရက္ခိုင့်တပ်တော် အေအေ ကနေ ဇန်နဝါရီလဒုတိယအပတ်ကတည်းက ထိုးစစ်ဆင်တိုက်ခိုက်နေတာဖြစ်ပြီး စစ်ကောင်စီတပ်ဘက်ကလည်း မြေပြင်တိုက်ခိုက်မှုတွေသာမက ‌လေကြောင်း၊ ရေကြောင်းကနေပါ တန်ပြန်တိုက်ခိုက်နေတယ်လို့ ပြောပါတယ်။

မင်းပြားမြို့အပြင် မြောက်ဦး၊ ကျောက်တော်နဲ့ ရသေ့တောင်မြို့နယ်တွေမှာလည်း အေအေ နဲ့ စစ်ကောင်စီကြား တိုက်ပွဲတွေဆက်ရှိနေတယ်လို့ မြောက်ပိုင်းမဟာမိတ်အဖွဲ့တွေက ထုတ်ပြန်လာခဲ့တာပါ။

ဒါအပြင် မြောက်ဦးမြို့မှာရှိတဲ့ စစ်ကောင်စီရဲ့ ခြေမြန်တပ်ရင်း ခမရ ၃၇၇၊ ၅၄၀ အပါအဝင် အမှတ် ၃၁ ရဲတပ်ရင်းတို့ကနေ လက်နက်ကြီးတွေနဲ့ပစ်ခတ်တိုက်ခိုက်ခဲ့တာကြောင့် ပြီးခဲ့တဲ့ရက်ပိုင်းအတွင်း အရပ်သား ၄ ဦးသေဆုံးထားပြီး ၇ ဦးထိခိုက်ဒဏ်ရာရခဲ့သလို နေအိမ်အလုံး ၂၀ ကျော်လည်း မီးလောင်ပျက်စီးခဲ့တယ်လို့ ဆိုပါတယ်။

စစ်ကောင်စီသတင်းထုတ်ပြန်ရေးအဖွဲ့ဘက်ကတော့ ရခိုင်က တပ်ရင်းတွေတိုက်ခိုက်ခံရတာအပါအဝင် လက်နက်ကြီးပစ်ခတ်မှုတွေနဲ့ ပတ်သက်လို့ ဒီကနေ့ ဇန်နဝါရီ ၂၉ ရက်မနက်ပိုင်းအထိ တစုံတရာသတင်းထုတ်ပြန်လာတာမျိုးမရှိပါဘူး။

https://www.facebook.com/BBCnewsBurmese/posts/807328938106438

Leave a Reply

Your email address will not be published.