By Border News Agency / 2024 January 16
မောင်တောနဲ့ဘူးသီးတောင်မြို့မှာ ဇန်ဝါရီလ ၁၄ ရက်နေ့ကစပြီးလျှပ်စစ်မီးပြတ်တောက်နေတာမို့ မီးသွေးနဲ့ဖယောင်းတိုင်းဟာ သုံးဆထိစျေးမြင့်တက်နေတယ်လို့ ဒေသခံတွေက ဆိုကြပါတယ်။
ရသေ့တောင်နဲ့ဘူးသီးတောင်ကြားရှိ 66 kV line (line fault)ဟာ ဇန်နဝါရီလ ၁၄ ရက်နေ့၊နေ့လည်၁ နာရီကျော်အချိန်ကတည်းက ပြတ်သွားတာမို့ ဘူးသီးတောင်၊မောင်တောမြို့တွေ လျှပ်စစ်ဓာတ်အားပြတ်နေတယ်လို့ မောင်တောခရိုင်လျှပ်စစ်ဌာနက ထုတ်ပြန်ထားပါတယ်။
အဲဒါကြောင့်မီးသွေးအိတ်တွေ၊ဖယောင်းတိုင်ထုတ်တွေကို မြို့နေပြည်သူအများစုဝယ်ယူနေကြတာမို့ စျေးတွေတက်နေတာလို့ ဆိုကြပါတယ်။
“လျှပ်စစ်မီး မနေ့က နေ့လည်ပိုင်းကပြတ်သွားတာ။ပြန်ရဖို့မသေချာလို့ မီးသွေးနဲ့ဖယောင်းတိုင်တွေကို အလုအယက်လိုက်ဝယ်ကြတော့ စျေးကသုံးဆထိမြင့်တက်သွားတယ်။”လို့မောင်တောမြို့ခံတစ်ဦးက Border News Agency သို့ ပြောပါတယ်။
မောင်တောမြို့မှာ ဖယောင်းတိုင်တစ်ထုတ်ကို တစ်ထောင်ကျပ်ကနေခြောက်ထောင်ကျပ်ထိစျေးတက်သွားသလို မီးသွေးတစ်အိတ်ကိုကျပ်တစ်သောင်းကျော်ကနေကျပ်ခြောက်သောင်းငါးထောင်ထိစျေးမြင့်တက်နေတယ်လို့ ဒေသခံတွေက ဆိုကြပါတယ်။
ရခိုင်မှာ ပြီးခဲ့တဲ့နှစ်နိုဝင်ဘာလ ၁၃ ရ က်နေ့ကစတင်ကာ စစ်ကောင်စီတပ်စခန်းတွေကို ရက္ခိုင့်တပ်တော် (AA)က တိုက်ခိုက်သိမ်းယူနေပြီး အဲဒီနေ့ကစတင်ကာ ရခိုင်တပြည်လုံးရှိကုန်းလမ်း၊ရေလမ်းအားလုံးကို စစ်ကောင်စီတပ်ကပိတ်ဆို့ထားတာမို့ ရခိုင်ပြည် သူလူထုတစ်ရပ်လုံး ကုန်စျေးနှုန်းတွေအဆမ တန်မြင့်မားမှုဒဏ်ကိုခံနေကြရတယ်လို့ ရခိုင်ပြည်သူတွေက ဆိုကြပါတယ်။
အဲဒါကြောင့်ကုန်ပစ္စည်းရှားပါးမှုတွေနဲ့အတူ စားဝ တ်နေရေး၊ကျန်မာရေးအခက်အခဲ၊အကြပ်အတည်းတွေကို ရင်ဆိုင်ခံစားနေကြရပြီး စျေးအဆမတန်တင်ရောင်းချနေကြသူတွေကို တာဝန်ရှိသူတွေဖမ်း ဆီးအရေးယူမှုတွေပြုလုပ်ကြဖို့လိုအပ်နေပြီလို့လည်း ရခိုင်ပြည်သူတွေက ဆိုကြပါတယ်။
“စျေးဆိုင်တွေက ရှိပြီးသားပစ္စည်တွေကို အရင်စျေးအတိုင်းမရောင်းကြပါဘူး။စျေးတင်ရောင်းနေကြပါတယ်။လ မ်းစပိတ်တဲ့အချိန်မှာဖယောင်တစ်ထုတ်ကိုတစ်ထောင်ကျပ်ပဲရှိပါတယ်။ခုအဲဒီစျေးနဲ့မရတော့ပါဘူး။ခြောက်ထောင်ပေးပြီးဝယ်နေရပါတ ယ်။မီးပြတ်မယ်အသံကြားတာနဲ့ချက်ချင်းစျေးတင်ပြီးရောင်းနေကြပါတယ်။ဒါတွေကိုအာ ဏာပိုင်တွေအနေနဲ့လည်း အရေးယူတားဆီးဖို့လိုအပ်ပါတယ်။” လို့ ဘူးသီးတောင်မြို့ခံတစ်ဦးက Border News Agency သို့ပြောပါတယ်။
မောင်တောခရိုင်လျှပ်စစ်ဌာနက တာဝန်ရှိသူတွေဟာ Line fault ဖြစ်နေတဲ့ ရသေ့တောင်နဲ့ဘူးသီးတောင် ကြား နေရာသို့ သွားရောက်ခဲ့ကြပေမယ့်စစ်ရေးအ ခြေအနေကြောင့် မပြုပြင်ခဲ့ရဘဲပြန်လာကြရတယ်လို့ ဆိုကြပါတယ်။
ရခိုင်မှာ စစ်ကောင်စီတပ်ကလက်နက်ကြီးတွေ၊အတွဲလိုက်ဒုံးတွေ၊တိုက်လေယာဥ်တွေ၊ဒရုန်းဗုံးပစ်ခတ်မှုတွေကြောင့် ပေါက်တော၊မင်းပြား၊မြောက်ဦး၊ဘူးသီးတောင်၊မောင်တောမြို့တွေဟာ လျှပ်စစ်မီးတွေပြတ်တောက်နေသလို စစ်ကောင်စီတပ်ဖွဲ့ဝင်တွေပစ် ခတ်နေတာမို့သွားရောက်ပြုပြင်လို့မရသေးဘူးလို့
ပြည်နယ်လျှပ်စစ်ဓာတ်အားရုံးမှတာဝ န်ရှိသူတွေက ဆိုကြပါတယ်။
https://www.facebook.com/bordernewsagency/posts/396852862862884