By Arakan Princess Media / 2024 January 18

ကျောက်ဖြူမြို့နယ်မာ ကုန်ခရေ ဂျန်နဝါရီ ၁၅ ရက်နိကပင် စစ်ကောင်စီတပ်ဖွဲ့ဝင်တိက အရပ်သားတယောက်ကို ဖမ်းဆီးလားခစွာရေ လက်ဟိအချိန်ထိ ၃ ရက် ကြာလာကေလေ့ စုံစမ်းမရဘဲဖြစ်နီရေလို့ မိသားစုဝင်တိက ပြောပါရေ။
စစ်ကောင်စီတပ်ဖွဲ့ဝင်တိ ဖမ်းလားခလူစွာ ကျောက်ဖြူမြို့နယ်၊ ဇင်ချောင်းတိုက်နယ်၊ ကုန်ဘွေရွာက ကုန်ကားမောင်းသူ ကိုစည်သူဖြိုး(ခ)ဂီတာချေ(၃၈နှစ်)ဖြစ်ပါရေ။
ကိုစည်သူဖြိုးစွာ ဂျန်နဝါရီ ၁၅ ရက်နိက ကျောက်ဖြူမြို့က ကုန်ပစ္စည်းတိကို ကုန်ကားနန့် သယ်ပနာ ဇင်ချောင်းသို့ ပြန်လာစဉ် ကျောက်တလုံးစစ်ဆီးရီးဂိတ်သို့ အရောက်
ညဇာ ၇ နာရီခွဲခန့်မာစစ်ကောင်စီတပ်ဖွဲ့ဝင်တိက သူနန့် သူ့ကုန်ကားကိုတပါတည်း ဖမ်းယူလားခကြောင်းသိရပါရေ။
ကိုစည်သူဖြိုးကို ဇာတပ်က၊ဇာကြောင့်ဖမ်းပနာဇာနီရာမာ ထားကြောင်းမသိရ၊ ၃ ရက်ရာကြာလာကေလေ့ အဆက် အသွယ် တစုံတရာမရဘဲ ဖြစ်နီရေအတွက် မိသားစုတိက စိုးရိမ်နီကတ်ပါရေ။
https://www.facebook.com/arakanprincessmedia1/posts/399502649141362