ဘူးသီးတောင်မာ စစ်ကောင်စီ လက်နက်ချေနန့်ပစ်ခတ်လို့ စစ်ဖီးယှောင် တယောက် ဒဏ်ရာရ

By Arakan Princess Media / 2023 December    1

ဘူးသီးတောင်မြို့မာ ဒေနိ (ဒီဇမ်ဘာ ၁ ရက်နိ) နိခင်း ၁၂ နာရီကျော်အချိန်က စစ်ကောင်စီလက်နက်ချေနန့် ရည် ရွယ်ချက်ဟိဟိ ယမ်းကားပစ်ခတ်မှုကြောင့် စစ်ဖီးယှောင်တယောက်ထိခိုက်ဒဏ်ရာရလားခရေလို့သိရပါရေ။

ဒဏ်ရာရလားလူစွာ ဘူးသီးတောင်မြို့၊ အမှတ်(၂)ရပ် ကွက်၊လမ်းမကျောင်း စစ်ဖီးယှောင်စခန်းက  ဦးကျော်ဇောလှ (၆၀နှစ်)ဖြစ်ပါရေ။

ဦးကျော်ဇောလှစွာ ဒေနိ နိခင်း ၁၂ နာရီကျော်လောက်က ဖောင်သာကို လားစွာမာ ဘူးသီးတောင်မြို့အဝင် စစ်ကောင်စီဂိတ်က ရည်ရွယ်ချက်ဟိဟိ တသိတမင် ပစ်ခတ်ခစွာလို့ ဒေသခံတိက ပြောပါရေ။

ယင်းပိုင်ပစ်ခတ်မှုကြောင့် ဦးကျော်ဇောလှ၏ ညာဖက်ပေါင်မာ ကျည်ကျဒဏ်ရာ(၁)ချက်ရဟိလားရေလို့ ဆိုပါရေ။

လက်ဟိမာ ဒဏ်ရာရလားရေ ဦးကျော်ဇောလှကို ဘူးသီးတောင်မြို့ပြည်သူ့ ဆီးရုံကြီးသို့ ပို့ထားကြောင်း သိရပါရေ။

https://www.facebook.com/arakanprincessmedia1/posts/373218955103065

Leave a Reply

Your email address will not be published.