ရသေ့တောင်မြို့မှ လက်နက်ကြီးဖြင့် ဒုံးပိုက်စခန်းအနီးသို့ လှမ်းပစ်နေ

( မြို့ဝင်ဝ ပြားချောင်းကြီးတံတား ၅၃၈ ဂိတ်အား စကစမှ ပိတ်ထား )

By Arakan Bay News / 2023 November      13

ရက္ခိုင့်တပ်တော် AA မှ ဝင်ရောက်သိမ်းပိုက်နေသည့် ဒုံးပိုက်စခန်းအနီးသို့ ရသေ့တောင်မြို့ စကစ တပ်ရင်းတို့မှ လက်နက်ကြီးများဖြင့် လှမ်းပစ်ကူနေပြီး ရသေ့တောင်မြို့ဝင်ဝ ၅၃၈ ဂိတ်အားလည်း စကစမှ ယနေ့ နိုဝင်ဘာ ၁၃ ရက်နေ့မနက်ပိုင်းက ပိတ်ထားပြီ ဖြစ်ကြောင်း သတင်းရရှိသည်။

တိုက်ပွဲ ဖြစ်ပွားသည့်နေရာသို့ စကစ မှ လက်နက်ကြီးလှမ်းကူပစ်နေခြင်း၊ ဂိတ်များကို ပိတ်ထားခြင်းကြောင့် ပြည်သူများ စိုးရိမ် ထိတ်လန့်နေကြရကြောင်း ​မြို့ခံ တစ်ဦးက AB News သို့ပြောသည်။

“တိုက်ပွဲ ဖြစ်နေတဲ့နေရာကို ရသေ့တောင်မြို့ကနေပြီး လက်နက်ကြီးတွေနဲ့ လှမ်းပစ်နေတယ်၊ မြို့ဝင်ဝဂိတ်လည်း ပိတ်ထားပြီ” ဟု ဆိုသည်။

ယခုလှမ်းပစ်ကူနေသည့်အတွက် ရသေ့တောင်မြို့ခံပြည်သူများ စိုးရိမ်ထိတ်လန့်လျက်ရှိသည့်အပြင် လမ်းသွားလမ်းလာသူများ နည်းပါးသွားကြောင်းသိရ သည်။

ထို့အပြင် စကစတပ်စွဲထားသည် ရသေ့တောင်မြို့နယ် အောင်သာစည်အနီးရှိ တောင်ပေါ် မှ လက်နက်ကြီးများဖြင့် တစ်ပြိုင်နက်ပစ်ခတ်နေသည် ဟု ဒေသခံများက ပြောသည်။

လက်ရှိတွင် ရက္ခိုင့်တပ်တော် AA စစ်ကောင်စီ၏ ဒုံးပိုက်စခန်းကို ဦးစွာသိမ်းပိုက်ထားပြီး ၂ ဖက်တိုက်ပွဲ ပြင်းထန်ဖြစ်ပွားလျက်ရှိဟု သိရသည်။

https://www.facebook.com/ArakanBayNewsMedia/posts/309482645271327