By Arakan Princess Media / 2023 November 9

ရက္ခိုင်မာတိုက်ပွဲဖြစ်လာဖို့ကို စိုးရိမ်လို့ ကျောက်တော်နယ်က လူတချို့ မြို့ထက်သို့ တိမ်းယှောင်လာနီကတ်ကြောင်း သိရပါရေ။
ဒေလအတွင်း စစ်ကောင်စီတပ်တိစွာ လူအင်အား၊လက်နက်အင်အား၊ရိက္ခာဖြည်းတင်းမှုတိကို ဆက်တိုက်ဆိုပိုင်လုပ်ဆောင်ရေအတွက်ကျောက်တော်မြို့နယ် နဂရာ၊ ရုပ်သားရွာအပါအဝင် နယ်က ဒေသခံတိ ကျောက်တော်မြို့ထက်စစ်ဖီးယှောင်စခန်းတိသို့ လာရောက်ခိုလှုံနီကတ်စွာဖြစ်ပါရေ။
ပြီးခရေ တကျော့ပြန်တိုက်ပွဲကာလကလည်း ယင်းကျေးရွာတိက ရွာသားတိစွာ ကျောက်တော်မြို့ထက်သို့ တိမ်းယှောင်နီခကတ်ရ ပါသိမ့်ရေ။
လက်ဟိမာ ယင်းတိမ်းယှောင်လာရေလူတိစွာ စစ်ဖီးယှောင်စခန်းတိမာနီထိုင်နီကတ်ပြီးကေ စားဝတ်နီရီးအကူအညီတိ လိုအပ်နီကတ်ပါရေ။
ကျောက်တော်အပါအဝင် စစ်တွေ၊ ပုဏ္ဏားကျွန်း၊ မြောက်ဦး၊ ရသေ့တောင်၊ ဘူးသီးတောင်နန့် မောင်တောရို့မာလည်း စစ်ကောင်စီတပ်စွာ အယင်ကထက် စစ်ရီးလှုပ်ရှားမှုတိပိုများလာလို့ဒေသခံတိ တိမ်းယှောင်မှုဟိနီကြောင်းလည်း သိဟိရပါရေ။
https://www.facebook.com/arakanprincessmedia1/posts/361861266238834