By Arakan Princess Media / 2023 November 6
မင်းပြားမြို့နယ်မာ ဒေနိ (နိုဗမ်ဘာ ၆ ရက်နိ) နိခင်းက ၄ နှစ်အရွယ်အချေတယောက်ရီမြုပ်သီဆုံးလားကြောင်း သိရပါရေ။
ရီမြုပ်သီဆုံးလားရေအချေမာ မင်းပြားမြို့နယ်၊ လက်တော်ရီ (မူဆလင်)ရွာက ဦးဇာဖာအာလောင်၏သား မောင်အီမာန်ဟူဆောင် (၄ နှစ်) ဖြစ်ပါရေ။
မောင်အီမာန်ဟူဆောင်စွာ ဒေနိ နိခင်း ၁ နာရီလောက်က တခြားအချေတိနန့်အတူ အိမ်နားက လေးမြို့ချောင်းမာ ရီကဇတ်နီချိန် ရီမြုပ်သီဆုံးလားစွာဖြစ်ပါရေ။
“ယင်းအချေစွာ ဒေနိနိခင်းက အိမ်နားက ချောင်းဘေးမာ တခြားအချေတိနန့်အတူကဇတ်နီရေ။ မိဖတိလည်း ယင်းအနားမာအလုပ်လုပ်နီကတ်တေ။ ရီမြုပ်လားရေအချိန်ခါ မိဖတိလည်းသတိမထားမိလိုက်ကတ်ဟိဖို့၊ ရီမြုပ်လားလို့တနားခါမှ တခြားအချေတိလာပြောလို့သိကတ်စွာ” လို့ရွာသားတိကပြောပါရေ။
မောင်အီမာန်ဟူဆောင်၏ ရုပ်အလောင်းကိုတော့ ရွာသားတိ ဝိုင်းဝန်းကူညီရှာဖွိလို့ နိခင်း ၂ နာရီလောက်မာ ရှာတွိခပနာ ဒေနိညဇာ ၅ နာရီ ရွာသင်္ချိုင်းမာ မြီမြှုပ်သင်္ဂြိုလ်လားဖို့လို့ သိဟိရပါရေ။
https://www.facebook.com/arakanprincessmedia1/posts/360439386381022