By Arakan Princess Media / 2023 October 23
မြောက်ဦးမြို့နယ်က ရွာပေါင်း ၇ ရွာကို ဆက်သွယ်ထားရေ ရွာချင်းဆက်လမ်းမကြီးစွာ လက်ဟိမာ ဆိုးဆိုးဝါးဝါးပျက်စီးနီလို့ ဒေသခံတိ ကိုယ်ထူကိုယ်ထပြုပျင်နီကတ်ပါရေ။
ယင်းလမ်းမကြီးစွာ မြောက်ဦးမြို့နယ်၊ ဘော်ရွာစျီး၊ မောင်းဆွဲ၊ မဟာထီး၊ ယိုင်သည်၊ သံရှင်ပြင်၊ အထုတ်သည်မနန့် ကျေးပင်လယ်စရေ ရွာပေါင်း ၇ ရွာကို ဆက်သွယ်ထားစွာဖြစ်ပါရေ။
ယင်းလမ်းစွာ မြီသားလမ်းဖြစ်ပြီးကေ လက်ဟိမာဆိုးဆိုးဝါးဝါးပျက်စီးနီလို့ ဒေသခံတိ လားလာရီးအဆင်ပြေအောင် ကိုယ်ထူကိုယ်ထပြုပျင်နီကတ်တေလို့ ရွာသားတိက ပြောပါရေ။
“ကျနော်ရို့ ရွာ ၇ ရွာကရွားသားတိပေါင်းပနာ အောက်တိုဘာ ၁၈ ရက်နိကစပြီးကေ ယင်းလမ်းကို ကျောက်နှစ်ထပ်ခင်းပနာ ကိုယ်ထူကိုယ်ထပြုပြင်နီပါရေ” လို့ ဆိုပါရေ။
အဆိုပါလမ်းမကြီးစွာ ဒေသခံတိအဓိကထား အသုံးပြုလားလာနီရေ လမ်းဖြစ်ပြီးကေ ကုန်စည်သယ်ပို့ဆောင်ရီးနန့် လူမူစီးပွားရေးအပြင် အရေးပေါ်လူနာတိကို ဆီးရုံ၊ ဆီးခန်းသို့ပို့ဆောင်စွာမာလည်း အရေးပါရေလို့ သိရပါရေ။
https://www.facebook.com/arakanprincessmedia1/posts/353208260437468