မြေပုံမြို့နယ် စညှင်းတွင် စကစ တပ်ဖွဲ့ဝင်များ စစ်ရေးလှုပ်ရှားမှု ရှိလာသည့်အတွက် ပြည်သူများ စိုးရိမ်နေ

By Arakan Bay News / 2023 October      7

ရခိုင်ပြည်၊ မြေပုံမြို့နယ် စညှင်းကျေးရွာတွင် စကစတပ်ဖွဲ့ဝင်များ ဝင်ထွက်သွားလာလျက်ရှိနေပြီး စစ်ရေးလှုပ်ရှားမှုများလည်း ခတ်စိပ်စိပ်တွေ့လာနေရကြောင်း သိရသည်။

စစ်ကောင်စီတပ်ဖွဲ့ဝင်များသည် စညှင်းရွာထဲသို့ နေ့တိုင်းလိုလို ရောက်ရှိလျက်ရှိပြီး ရပ်ရွာမှ အုပ်ချုပ်ရေးမှူးလည်း ထွက်ပြေးနေရကြောင်း သိရသည်။

“စကစတပ်ဖွဲ့ဝင်တွေက အခုတလော​ ရွာထဲကိုနေ့တိုင်းဝင်ပါတယ်၊ ဘာတွေလုပ်လဲတော့ မသိဘူး၊အုပ်ချုပ်ရေးမှူးတောင်ပြေးနေရတယ်” ဟု ဆိုသည်။

၎င်းတို့တပ်ဖွဲ့ဝင်များသည် ယူနီဖောင်းအပြည့်အစုံ၊ လက်နက်ခဲယမ်းအပြည့်ဖြင့် ၎င်းရွာထဲ​သို့ လာနေသည်မှာ ၄ ရက်​ရှိနေပြီဖြစ်ကြောင်း သိရသည်။

​ပြီးခဲ့သည့်ရက်ပိုင်းအတွင်းကလည်း ထိုရွာတွင် ရက္ခိုင့်တပ်တော် AA လည်းရောက်ရှိနေသည့်အတွက် စကစ တပ်ဖွဲ့ဝင်များ ၄ နာရီထိုးလို့ ရွာပြင်မထွက်ရင် နှစ်ဖက်တိုက်ပွဲ စစ်ရေးတင်းမာလာနိုင်သည်ဟု AA မှ ရာဇသံပေးထားကြောင်း ဆက်၍ ပြောသည်။

“AA လည်းရောက်နေပါတယ်၊ စစ်ကောင်စီတပ်ဖွဲ့ဝင်တွေလည်း ထွက်လိုက်၊ ဝင်လိုက်လုပ်နေတယ်၊ စစ်ကောင်စီက ၄ နာရီထိုးလို့ ရွာပြင်မထွက်ရင် နှစ်ဖက်တိုက်ပွဲ ဖြစ်သွားနိုင်တယ်လို့ AA က ပြောလိုက်တယ်” ဟု ဆိုသည်။

စစ်ကောင်စီတပ်ဖွဲ့ဝင်များသည် အင်အား ၃၀ ကျော်ခန့်နှင့် စညှင်းရွာသို့ ရောက်ရှိလာပြီး ၊ မည်သည့်ကိစ္စများလုပ်သွားသည်ကို တိတိကျကျ မသိရှိရပေ။

ယနေ့မှာလည်း ​စစ်ကောင်စီတပ်ဖွဲ့ဝင်များသည် ဝဘော်ကြီး ကျေးရွာသို့ ဆင်းသွားကြောင်း သိရသည်။

အနီးအနားရှိရွာများမှလည်း ပြည်သူများစွာလည်း စိုးရိမ်ထိတ်လန့်ရုံသာမက နီးစပ်ရာဆွေမျိုးအိမ်များသို့ ရှောင်နေကြရကြောင်း သိရသည်။

ယမန်နေ့ညကလည်း စညှင်းရွာ လမ်းဘေးနားက စစ်ကား ၁၀ ကျော် ဖြတ်သန်းသွားလာနေသည့်အတွက် ပြည်သူများ စိုးရိမ်ထိတ်လန့်နေကြောင်း စုံစမ်းသိရှိရသည်။

https://www.facebook.com/ArakanBayNewsMedia/posts/288432387376353

Leave a Reply

Your email address will not be published.