မင်းပြား၊ ဥက္ကာပျံရပ်ကွက် အုပ်ချုပ်ရီးမှူး ဦးအောင်ကျော်လှ အမှုရုံးချိန်းထပ်ရွှိ

By Arakan Princess Media / 2023 October    4

မြန်မာစစ်တပ်ဖမ်းဆီးပြီးနောက် မတရားအသင်းဆက်သွယ်မှုဥပဒေပုဒ်မ ၁၇ (၁)(၂) နန့်တရားစွဲခံထားရရေ မင်းပြားမြို့၊ဥက္ကာပျံရပ်ကွက် အုပ်ချုပ်ရီးမှူး ဦးအောင်ကျော်လှ(ခ)နီတောင်းချေအမှု လာဖို့ အောက်တိုဘာ ၁၀ ရက်နိကို ရုံးချိန်းထပ်ရွှိလိုက်ကြောင်း သိရပါရေ။

အမှုကို အောက်တိုဘာ ၃ ရက်နိ မိုးထ ၁၁ နာရီက မင်းပြားမြို့နယ်တရားရုံးမာ  ရုံးထုတ်ခပနာ မြို့နယ်တရားသူကြီး ဦးမြတ်မင်းဟန်က လိုပြသက်သီနှစ်ယောက်ကို စစ်ဆီးခပြီးကေ လာဖို့ အောက်တိုဘာ ၁၀ ရက်နိကို ရုံးချိန်းထပ်ရွှိလိုက်စွာ ဖြစ်ပါရေ။

ဦးအောင်ကျော်လှ(၅၇ နှစ်)ကို ကုန်ခရေ ၂၀၂၂ ခုနှစ်၊အောက်တိုဘာ ၈ ရက်နိက မင်းပြားအခြီစိုက် မြန်မာစစ်တပ် ခမရ (၃၈၀) တပ်ရင်း တပ်ဖွဲ့ဝင်တိက ဖမ်းဆီးလားခပါရေ။

ယင်းနောက် ရက္ခိုင်အမျိုးသားအဖွဲ့ချုပ်/ရက္ခိုင့်တပ်တော် ULA/AA အတွက် အခွန်ကောက်ခံရေလို့ စွပ်စွဲကာ ပုဒ်မ ၁၇ (၁)(၂) နန့်တရားစွဲပြီးကေ၊ ရုံးထုတ် စစ်ဆီးလို့ဟိရာ အကြောင်းအမျိုးမျိုးပြပနာ ရုံးချိန်းအကြိမ်ကြိမ်အရွှိခံနီရလို့ အမှုကြန့်ကြာနီရပါရေ။

https://www.facebook.com/arakanprincessmedia1/posts/342621821496112

Leave a Reply

Your email address will not be published.