ဘူးသီးတောင်မာ ကားတိုက်မှုဖြစ်လို့ အမျိုးသားတယောက် ပွဲချင်းပြီး သီဆုံး

By Arakan Princess Media / 2023 October    30

ဘူးသီးတောင်မြို့မာ အောက်တိုဘာ ၂၉ ရက်နိနိခင်းက တေဘာကားတစီးနန့် ဆိုင်ကယ်တစီးတိုက်မိခလို့ ဆိုင်ကယ်မောင်းလာရေ အမျိုးသားတယောက် ပွဲချင်းပြီး သီဆုံးလားကြောင်း သိရပါရေ။

သီဆုံးလားရေ အမျိုးသားမာ ဘူးသီးတောင်မြို့ အမှတ် (၅)ရက်ကွက်က ဦးဇော်မင်းထွန်း (၃၇)နှစ်ဖြစ်ပါရေ။

ဦးဇော်မင်းထွန်းစွာ အောက်တိုဘာ ၂၉ ရက်နိနိခင်း ၁ နာရီခွဲလောက်က မယားဖြစ်သူ ဒေါ်နွယ်နွယ်သိန်းနန့်တတူ အမှတ် (၇)ရပ်ကွက်ဟိ ဘုန်းကြီးကျောင်းသို့ ဆွမ်းပို့ပြီးလို့ ပြန်အလာ အမှတ်(၇) ရပ်ကွက် ကျောက်ရစ်ခွဆုံအရောက်မာ အုပ်တင်လာရေ အပြာရောင် တေဘားကားတစီးနန့် မျက်နှာချင်းဆိုင် တိုက်မိခစွာလို့ မျက်မြင်ဒေသခံတိကပြောပါရေ။

ယင်းပိုင် ကားတိုက်မိမှုကြောင့် ဦးဇော်မင်းထွန်းစွာ ဆိုင်ကယ်သို့ ထိုးလဲလားစွာမာ တေဘာကား နောက်ဘီးနန့် ​ကြိတ်မိလားလို့ နီရာမာပင်ပွဲချင်းပြီးသီဆုံးလားပြီးကေ မယားဖြစ်သူ နွယ်နွယ်သိန်းတော့ လမ်းဘေးသို့လှိမ့်ကျလားပနာ ဒဏ်ရာစကေချေရလားရေလို့ ဆိုပါရေ။

လက်ဟိမာ ယင်းကားတိုက်မှုနန့် ပတ်သက်လို့ ကားသမားတိကို သက်ဆိုင်ရာက ထိန်းသိမ်းစစ်ဆီးနီရေလို့ သိရပါရေ။

https://www.facebook.com/arakanprincessmedia1/posts/356909636733997

Leave a Reply

Your email address will not be published.