By Arakan Princess Media / 2023 October 18
ပေါက်တောမြို့နယ်၊ ကျောက်တောင်ရွာမာအောက်တို ဘာ ၁၇ ရက်နိက အသက် ၇ နှစ်၊ ၈နှစ်အရွယ်မမာ့ချေနှစ်ယောက်ကို တပြိုင်နက် မုဒိမ်းကျင့်ဖို့ ကြံစည်မှု ဖြစ်ပွားခရေလို့ သိရပါရေ။
အခင်းဖြစ်စဉ်မာ အောက်တိုဘာ ၁၇ ရက်နိ၊ ညဇာ ၇ နာရီလောက်က ပေါက်တောမြို့နယ်၊ ကျောက်တောင် ရွာက အ သက် ၇ နှစ်နန့် ၈ နှစ်အရွယ် မမာ့ချေနှစ်ယောက်ကို ယင်းရွာနီ အသက် ၅၀ အရွယ် ဦးမောင်စောထွန်းဆိုသူက သွီးဆောင်ဖြားယောင်းပြီးကေ အနားဟိ ဆန်စက်ရုံနားမာ အချေနှစ်ယောက် ၏ လိင်အင်္ဂါတိကို မဖွယ်မရာပြုလုပ်ခကြောင်း၊ ယင်း သို့လုပ်နီချိန် အနားသို့ရောက်လာရေ အချေတသိုက်က မြင်လားခလို့ ယင်းအချေတိကို မောင်းထုတ်နီတုန်းမာ မမာ့ချေ နှစ်ယောက်ထွက်ဗြီးလွတ်မြောက်ခရကြောင်း ဒေသခံတိကပြောပြပါရေ။
ယင်းဖြစ်စဉ်နန့်ပတ်သက်လို့ ယင်း မမာ့ချေ နှစ်ယောက် ၏ မိဖအုပ်ထိန်းသူရို့က ရပ်ရွာအုပ်ချုပ်ရီးမှူးကတဆင့် အာရက္ခပြည်သူ့အစိုးရ၊ပေါက်တောမြို့ နယ်ရဲ တပ်ဖွဲ့သို့ အောက်တိုဘာ ၁၇ ရက်နိ၊ ညည့် ၁၀ နာရီ ၃၀ မိ နစ်မာ အမှုဖွင့်တိုင် တန်းရာ၊ ပေါက်တောမြို့နယ်ရဲတပ်ဖွဲ့ကလည်း ပြစ်မှုကျူးလွန်ကြောင်း အတိုင်ခံထားရသူကို အမှုအမှတ် (ပ)၂၀၆/ ၂၀၂၃၊ ရာဇသတ်ကြီးဥပဒေပုဒ်မ ၃၇၆/ ၅၁၁(မုဒိမ်းကျင့်ရန်ကြံစည်မှု)နန့်အမှုဖွင့်ပြီးကေ ဥပဒေလုပ်ထုံး လုပ် နည်းတိနန့်အညီ စစ်ဆီးမှုတိ ဆက်လက်လုပ် ဆောင်လျက်ဟိကြောင်း သိရပါရေ။
https://www.facebook.com/arakanprincessmedia1/posts/350558570702437