By Arakan Princess Media / 2023 October 27
ကျောက်တော်မြို့နယ်၊သင်္ဂနက်ကျေးရွာမာ ဒေနိ(အောက်တိုဘာ ၂၇ ရက်နိ) ညဇာ ၄ နာရီခွဲလောက်က ကားတိုက်မှု တခုဖြစ်လို့ ၅ နှစ်အရွယ် အချေတယောက်နန့် အမျိုးသမီးတယောက် အပြင်းအထန်ဒဏ်ရာရလားကြောင်း သိရပါရေ။
ဒဏ်ရာရလားလူတိမာ ကျောက်တော်မြို့နယ်၊ သင်္ဂနက်ကျေးရွာက မမျိုးမြတ်သဇင်အောင်(၅ နှစ်)နန့် တရွာတည်းနီ မမိုးစန္ဒာ (၂၆ နှစ်)ရို့ဖြစ်ပါရေ။
သူရို့စွာ တုတ်တုတ်ချေတစီးနန့် ဈီးပြုလို့ ကျောက်တော်က ပြန်လာစွာဖြစ်ပြီးကေ ဒေနိညဇာ ၄ နာရီလောက်က သင်္ဂနက်ရွာအရောက် တုတ်တုတ်ချေထက်က အဆင်းမာ တဖက်ကအဟိန်ပြင်းပြင်းနန့်မောင်းလာရေ ကားတစီးက ဝင်တိုက်မိခစွာဖြစ်ပါရေ။
ယင်းပိုင် ဝင်တိုက်မိလို့ မမိုးမြတ်သဇင်အောင်မာ ညဖက်ပါးနန့်ခန္ဓာကိုယ်အနှံဒဏ်ရာတိရလားပြီးကေ မမိုးစန္ဒာမာတော့ ဦးဂေါင်းအပါအဝင် ခန္ဓာကိုယ်အနှံ အပြင်းအထန်ဒဏ်ရာရလာပနာ စိုးရိမ်ရရေအခြေအနီမာဟိနီရေလို့ သိရပါရေ။
လက်ဟိမာ သူရို့နှစ်ယောက်ကို ကျောက်တော်မြို့၊ပြည်သူဆီးရုံးကြီးသို့ ပို့ဆောင်ပနာ အရေးပေါ်ဆီးကူးသမှုခံယူနီရပြီးကေ ဝင်တိုက်မိခရေ ကားနန့် ကားသမား ကိုတော့ သက်ဆိုင်ရာက ထိန်းသိမ်းစစ်ဆီးနီရေလို့သိရပါရေ။
https://www.facebook.com/arakanprincessmedia1/posts/355512783540349