By Arakan Princess Media / 2023 September 20
မြောက်ဦးတမြို့လုံးကို ရီဖြန့်ဝီပီးနီရေလက်ဆည်ကန်မာ လက်ဟိ ရီတိစွာ ညစ်ညမ်းနီလို့ ယင်းရီကို အသုံးပြုနီသည့် မြောက်ဦးမြို့ခံတိ အဆင်မပြေဖြစ်နီပြီးကေ သောက်သုံးရီ အခက်ကြုံနီကတ်ရရေလို့ သိရပါရေ။
မြောက်ဦးတမြို့လုံးကို ယင်းလက်ဆည်ကနီ အဓိက ရီဖြန့်ဝီပီးစွာဖြစ်ပြီးကေ မြို့ခံတိလည်း ယင်းရီကို အားထားပနာ သောက်သုံးနီကတ်ရစွာဖြစ်ပါရေ။
လက်ဟိ ယင်းလက်ဆည်ကန်က ရီတိစွာ သံချီးရောင်တက်နီရေပိုင် အနံ့ဆိုးတိထွက်ပနာအသုံးပြုရစွာ အဆင်မပြေလို့ ဒုက္ခဖြစ်နီကတ်ရရေလို့ မြို့ခံတိကပြောပါရေ။
တချို့လည်း ယင်းမသန့်ယှင်းရေ ရီကိုရာ အသုံးပြုနီကတ်ရလို့ ခန္ဓာကိုယ်မာ ယားနာတိပေါက်လာနိကတ်တေလို့ ဆိုပါရေ။
မြောက်ဦးမြို့စွာ ရီအရင်းအမြစ်တိ အများကြီးဟိရေ ဒေသဖြစ်ကေလည်း မြို့ခံတိကတော့ နွီရာသီရောက်တိုင်း ရီယှားပါးရေ ပြသနာကို နှစ်စဉ်နှစ်တိုင်းကြုံတွိနီကတ်ပါရေ။
https://www.facebook.com/arakanprincessmedia1/posts/335476748877286