မြန်မာ့အမျိုးသမီးလက်ရွီးစင်အသင်းကို ရခိုင်ယူနိုက်တက်ယူ ၁၅ အသင်း ဂိုးပြတ်အနိုင်ရ

By Arakan Princess Media / 2023 September    6

ရန်ကုန်မြို့၊ သုဝဏ္ဏအားကဇတ်ကွင်းကြီး၌ စပ်တမ်ဘာ ၅ ရက်နိ ညဇာက ယှဉ်ပြိုင်ကဇတ်သည့် မြန်မာအမျိုးသမီးလက်‌ရွီးစင် အသင်း နန့် ရခိုင်ယူနိုက်တက် ယူ-၁၅ အသင်းရို့၏ခြီစမ်းပွဲစဉ်တွင် ရခိုင်ယူနိုက်တက် ယူ-၁၅ အသင်းအသင်းသည် ၃ ဂိုး၊ ဂိုးမဟိဖြင့် ဂိုးပြတ်အနိုင်ရလားကြောင်း သိရသည်။

အဆိုပါခြီစမ်းပွဲစဉ်ကို မိနစ် ၃၀ စီ သုံးပိုင်းခွဲကဇတ်ခရာ ပထမပိုင်း နန့် ဒုတိယပိုင်းတွင် ဂိုးမဟိ သရေရလဒ်ထွက်ပေါ်ခပြီး တတိယပိုင်းမှာတော့ ရခိုင်ယူနိုက်တက် ယူ-၁၅ အသင်းက ၃ ဂိုး သွင်းယူနိုင်ခခြင်းဖြစ်သည်။

ရခိုင်ယူနိုက်တက် ယူ-၁၅ အသင်းအတွက် ဂိုးများကိုတော့ ညီညီသန့်၊ ရဲထက်အောင် နန့် စွမ်းဇာနည်ရို့က တယောက် တဂိုးစီ အသီးသီး သွင်းယူပီးခကတ်သည်။

မြန်မာ့လက်ရွီးစင် အမျိုးသမီး အသင်းသည် တရုတ်နိုင်ငံ၊ ဟန်ကျိုးမြို့တွင် ကျင်းပမည့် (၁၉) ကြိမ်မြောက် အာသျှအားကဇတ်ပြိုင်ပွဲ (Asian Games 2022 Hangzhou) အတွက် လိကျင့်ပြင်ဆင်နီသည့်အသင်းဖြစ်ပြီး ရခိုင်ယူနိုက်တက် ယူ-၁၅ အသင်းနန့် ခြီစစ်ပွဲယှဉ်ပြိုင်ကဇတ်ခခြင်းဖြစ်သည်။

မြန်မာလက်ရွိးစင်အမျိုးသမီးအသင်း တရုတ်နိုင်ငံ၌ ယှဉ်ပြိုင်ကဇတ်မည့်ပွဲစဉ်များမှာတော့ ကိုးရီးယား၊ဟောင်‌ကောင်၊ ဖီလစ်ပိုင်အသင်းများဖြင့် ယှဉ်ပြိုင်ကဇတ်ရမည် ဖြစ်သည်။

https://www.facebook.com/arakanprincessmedia1/posts/327958682962426

Leave a Reply

Your email address will not be published.