မင်းပြား၊ ဝါးတောင်စစ်ဖီးယှောင်စခန်းက စစ်ဖီးယှောင်တိ စားနပ်ရိက္ခာအခက် ကြုံနီရ

By Arakan Princess Media / 2023 September    14

မင်းပြားမြို့နယ်၊ ဝါးတောင်စစ်ဖီးယှောင်စခန်းက စစ်ဖီးယှောင်တိ လက်ဟိမာ ဆန်အပါအဝင် စားနပ်ရိက္ခာအခက်အခဲတိနန့် ရင်ဆိုင်နီရကြောင်း သိရပါရေ။

အိမ်ထောင်စု ၁၅ စုနန့် လူဦးရေ ၇၃ ယောက် ခိုလှုံလို့ဟိရေ ယင်းဝါးတောင်စစ်ဖီးယှောင်စခန်းမာ အဂုအခါ ဆန်အပါအဝင် စားနပ်ရိက္ခာ အခက်အခဲတိနန့် ရင်ဆိုင်နီရစွာပါ။

ယင်းစခန်းမာ ဆန့ရိက္ခာတိအပြင် တခြားအရေးပေါ်အကူအညီတိမရဟိစွာမာ ၅ လကျော်ကြာမြင့်နီယာဖြစ်လို့ လက်ဟိ စစ်ဖီးယှောင်တိမှာ

ကြုံရာကျဘမ်းအလုပ်တိ လုပ်ပနာစားဝတ်နီရီးအတွက် လုပ်ကိုင်စားသောက်နီရကြောင်း စစ်ဖီးယှောင်တိက ပြောပါရေ။

ယင်းအပြင် အလုပ်အကိုင်ယှားပါးစွာ၊ ကုန်စျီးနှုန်းတိ အဆမတန်မြင့်တက်နီစွာတိကြောင့် စစ်ဖီးယှောင်တိမာ တရက်ဝင်ငွေနန့် စားစရိတ် မလုံလောက်ဖြစ်နီလို့ အခက်အခဲ ပေါင်းစုံနန့်ရင်ဆိုင်နီရကြောင်း သိရပါရေ။

https://www.facebook.com/arakanprincessmedia1/posts/332166755874952

Leave a Reply

Your email address will not be published.