ဆရာမဒေါ်နှင်းယုနွယ် အသက်ခံရမှုတရားခံအစစ်အမှန်ပေါ်ပေါက်နိုင်ရီး အစွမ်းကုန်ကြိုးစား ဆောင်ရွက်နီရေလို့ ULA/AA ဆို

By Arakan Princess Media / 2023 September    23

ရသေ့တောင်မြို့နယ်၊ မယူကမ်း၊ ပေါ်ကျွန်းပေါက်တောရွာက အလယ်တန်းပြဆရာမ ဒေါ်နှင်းယုနွယ် သတ်ဖြတ်ခံရမှုနန့်ပတ်သက်လို့  တရားခံ အစစ်အမှန်ပေါ်ပေါက်နိုင်ရီး အစွမ်းကြိုးပမ်းဆောင်ရွက်နီကြောင်း ရက္ခိုင်အမျိုးသားအဖွဲ့ချုပ်/ရက္ခိုင့်တပ်တော် ULA၊AA က ဒေနိ(စပ်တမ်ဘာ ၂၃ ရက်နိ) ထုတ်ပြန်ပါရေ။

ထုတ်ပြန်ချက်အရ” ULA/AA စွာစပ်တမ်ဘာ ၁၇ ရက်နိမာ အဓိက သံသယဟိလူ ယောက်၂  နန့် ဆက်စပ်သူ ၁ ယောက်ကို ဖမ်းဆီးနီပြီးကေ၊ စစ်ဆီးနီစဉ်အတွင်း စပ်တမ်ဘာ ၁၉ ရက်နိညဇာကအဓိက သံသယ ဟိသူ တယောက် ထွက်ဗြီးလားရေ” လို့ဆိုပါရေ။

ထွက်ဗြီးလွတ်မြောက်လားလူမာ ဦးမောင်မောင်အေးဖြစ်ပြီးကေ ULA/AA က အယင်ဆုံး ပြန်ဖမ်းမိဖို့နန့် တရားခံ အစစ်အမှန်ကို ဖော်ထုတ်နိုင်ဖို့ အစွမ်းကုန်ကြိုးစားလို့ဟိနီရေလို့လည်း ထုတ်ပြန်ချက်မာ ဖော်ပြပါရေ။။

အမှုနန့်ပတ်သက်လို့  အလောင်းကို မျက်မြင်တွိဟိခရေ သက်သီ ၆ ယောက်ကိုလည်း ခေါ်ယူ စစ်ဆီးနီရေလို့ သိရပါရေ။

ဆရာမ ဒေါ်နှင်းယုနွယ်စွာ ပန်းဖော်ပြင် အလယ်တန်းကျောင်းမှာ တာဝန်ကျနီရေ အလယ်တန်းပြဆရာမတယောက်ဖြစ်ပြီးကေ စပ်တမ်ဘာ ၁၆ ရက်နိက စာပြဖို့လားစဉ် ပေါက်တော-ပန်းဖော်ပြင်လမ်းမာ အဓမ္မပြုကျင့် လိုင်လှီးသတ်ဖြတ် ခံခရစွာ ဖြစ်ပါရေ။

https://www.facebook.com/arakanprincessmedia1/posts/337071982051096

Leave a Reply

Your email address will not be published.