By Arakan Princess Media / 2023 August 16
မြန်မာစစ်တပ်က ကုန်ပစ္စည်းသယ်ယူခွင့်ကန့်သတ်ထားသည် ပလက်ဝမြို့နယ်တွင် လက်ဟိ၌ ကုန်ပစ္စည်းများ ယှားပါးကာ ဈီးနှုန်း အဆမတန် မြင့်တက်လျက်ဟိကြောင်း သိရသည်။
လက်ဟိ ပလက်မြို့နယ်တွင် စားဆီ တလီတာကို ငွေကျပ် ၈၀၀၀၊ ဓါတ်ဆီတလီတာကို ၁၄၀၀၀ နန့် ပေါ်ဆန်းမွှီး ဆန် တအိတ်ကို တသိန်းခွဲနီးပါးအထိ ပီးဝယ်နီရသည်ဟု ဒေသခံများကပြောသည်။
မြန်မာစစ်တပ်သည် ပလက်ဝသို့ ကုန်စည်စီးဆင်းရာ အဓိက လမ်းကြောင်းဖြစ်သည့် ပလက်ဝ-ကျောက်တော်ရီလမ်းကြောင်းကို ရက္ခိုင့်တပ်တော် AA နန့် တကျော့ပြန်တိုက်ပွဲပြင်းထန်ချိန်က ပိတ်ထားခပြီး နှစ်ဖက် အပစ်ခတ်ရပ်စဲပြီးနောက်ပိုင်း ပြန်ဖွင့်ပီးခသည်။
ယေကေလေ့ ယင်းရီလမ်းကြောင်းတလျှောက် ပစ္စည်းတင်ဆောင်ခွင့်ကို ဆက်လက် ကန့်သတ်ထားပြီး ခွင့်ပြုသည့်အတိုင်းရာ တင်ဆောင်နီရကာ လမ်းခရီးဟိ မြန်မာစစ်တပ်စစ်ဆီးရီးဂိတ်များတွင်လေ့ ငွေကြေးပီးဆောင်ရသည့်အပြင် ဆီးဝါးနန့် သံထည်ပစ္စည်းများဆိုလျှင် လုံးဝသယ်ယူခွင့်မရသိမ့်ဟု ဒေသခံများက ဆိုသည်။
ယင်းသို့ ကုန်ပစ္စည်းများသယ်ယူခွင့် ပိတ်ပင်ကန့်သတ်မှုကြောင့် ဒေသတွင်း ကုန်ပစ္စည်းယှားပါလာကာ ကုန်ဈီးနှုန်းများ အဆမတန် မြင့်တက်လျက်ဟိသည်။
ယင်းအပြင် မြို့နယ်အတွင်း ကုန်စည်စီးဆင်းမှုများလေ့ နှောင့်နှေးနီကာ ဒေသခံလက်လုပ်လက်စားပြည်သူများမှာ အခက်အခဲများနန့် ရင်ဆိုင်နီကတ်ရကြောင်း သိဟိရသည်။
https://www.facebook.com/arakanprincessmedia1/posts/317623487329279