By Arakan Princess Media / 2023 August 18
ပုဏ္ဏားကျွန်းမြို့နယ်အတွင်း ရွာချင်းဆက်လမ်းမကြီးတချို့ပျက်စီးနီ၍ လက်ဟိ၌ ဒေသခံများ ခရီးလားလာရီး အခက်ကြုံနီကတ်ရကြောင်း သိရပါသည်။
ပျက်စီးနီသည့် လမ်းများမှာ ပန်းနီလာ -ဆားငံကန်လမ်း၊ ပဒေသာ-ကျွဲထိုးလမ်း၊ ငှက်ကြီးကျွန်း-အိုင်ဒင်လမ်း၊ ဖောင်ဆိပ်-မာန်အောင်သားလမ်း၊ တန်ဘတ်လှန်း -ပဒေသာလမ်း၊ သင်းပုန်းတန်း- အလယ်ချောင်းလမ်း၊ ကျောက်ဆိပ်-နတ်တောင်လမ်းရို့ဖြစ်သည်။
အဆိုပါလမ်းများမှာ ကျောက်ကြမ်းများဖြင့် ပြုလုပ်ထားခြင်းဖြစ်၍ မိုးရီများတင်ခြင်းကြောင့် လမ်းများမှာ တစတစ ပျက်စီးလာရာမှ လက်ဟိတွင် လားလာ၍ လုံဝ အဆင်မပြေဖြစ်လာကြောင်း ဒေသခံများကပြောသည်။
ယင်းလမ်းများမှာ ဒေသခံများ အဓိက အသုံးပြုရာ လမ်းများဖြစ်ပြီး ယင်းသို့ ပျက်စီးနီခြင်းကြောင့် လူမှုစီးပွားများစွာ ထိခိုက်နီကတ်ရသည်ဟု ဆိုသည်။
ယင်းအပြင် ယင်လမ်းများတလျှောက် ြဗီးဆွဲနီကတ်သည့် ကာသမားများနန့် ဆိုင်ကယ်ကယ်ရီဆွဲလူများမှာလေ့ လမ်းပျက်စီးနီ၍ ရပ်နားထားရကာ အလုပ်အကိုင်မဟိဘဲ စားဝတ်နီရီးအခက်ကြုံနီကတ်ရကြောင်း သိဟိရသည်။
https://www.facebook.com/arakanprincessmedia1/posts/318632423895052