ကျောက်တော်၊ သဲချောင်းထဲ၌  ဟွန်ဒါမှောက်၍  အမျိုးသားတယောက် ပျောက်နီ

By Arakan Princess Media / 2023 August    8

ကျောက်တော်မြို့​နယ်၊ သဲချောင်းထဲ၌ ဩဂတ်စ် ၇ ရက်နိညဇာက ဟွန်ဒါတစီးတိမ်းမှောက်မှုဖြစ်ပွားခပြီး၊ သက်ကြီးပိုင်းအရွယ်အမျိုးသားတ​ယောက် ပျောက်နီကြောင်းသိရသည်။

ပျောက်နီသူမှာ ကျောက်တော်မြို့နယ်၊ င/တပေါင်းကျေးရွာက ဦးဦးစောလှ (၆၅ နှစ်)ဖြစ်သည်။

ဦးဦးစောလှမှာ တခြားလူ ၃ ယောက်နန့်အတူ ဩဂတ်စ် ၇ ရက်နိ ညဇာ ၃ နာရီလောက်က ဟွန်ဒါတစီးနန့် သဲချောင်းရွာသို့လားခရာ၊မင်းသားဆိပ်ရွာအလွန်၌ ဟွန်ဒါတိမ်းမှောက်ခသည်။

ဟွန်ဒါတိမ်းမှောက်လားပြီးနောက် ဟွန်ဒါနန့်လိုက်ပါလာလူ ၃ ယောက်မှာ ချောင်းကမ်းစပ်သို့ အချိန်မီကူးခတ်နိုင်ခကေလေ့ ဦးဦးစောလှမှာချောင်းရီစီးနန့်အတူမျောပါ ပျောက်လားခသည်။

ပျောက်နီသူ ဦးဦးလှစောအား အနားဟိရပ်သူရွာ သားများနန့် မိသားစုဝင်များက သဲချောင်းတလျှောက် လိုက်ရှာလျက်ဟိပြီး၊ လက်ဟိအချိန်ထိ ရှာမတွိသိမ့်ကြောင်း သိရသည်။

https://www.facebook.com/arakanprincessmedia1/posts/313493271075634

Leave a Reply

Your email address will not be published.