By Arakan Princess Media / 2023 July 8
မုန်တိုင်းကြောင်း စခန်းတခုလုံးပျက်စီးဆုံးယှုံးခရသည့် ဘူးသီးတောင်မြို့နယ်၊စေတီတောင်စစ်ဖီးယှောင်စခန်းတွင် စားနပ်ရိက္ခာနန့်အမိုးအကာများအရေးတကြီး လိုအပ်နီသည်။
ယင်းစစ်ဖီးယှောင်စခန်းတွင် အိမ်ထောင်စု ၁၇၂ စုနန့် လူဦးရေ ၈၂၁ ယောက် နီထိုင်လျက်ဟိသည်။
မေ ၁၄ ရက်နိက Mocha ဆိုင်ကလုန်းမုန်တိုင်းတိုက်ခတ်ခပြီးနောက် ယင်းစခန်းဟိ ယာယီလူနီအိမ်များ အားလုံးပျက်စီးခရ၍ ယင်းစခန်းဟိ စစ်ဖီးယှောင်များမှာ စေတီတောင်တိုက်နယ်ဆီးရုံသို့ ပြောင်းရွိကာ ယာယီခိုလှုံနီထိုင်နီကတ်ရကြောင်း စစ်ဖီးယှောင်များက ပြောသည်။
ယင်းကြောင့် နီအိမ်များပြန်လည်တည်ဆောက်ရန် အမိုးအကာ နန့် တခြားဆောက်လုပ်ရီးပစ္စည်းများ အရေးတကြီးလိုအပ်နီသည်ဟုဆိုသည်။
ယင်းအပြင် လက်ဟိအချိန်ထိ အရေးပေါ်အကူညီလာရောက် ပီးအပ်သည်များမဟိသိမ့်၍ စားနပ်ရိက္ခာများ ပြတ်လပ်ကာ စားသောက်ရီးအခက်အခဲများလေ့ ဆိုးဆိုးဝါးဝါးကြုံနီကတ်ရကြောင်း သိရသည်။
စေတီတောင်စစ်ဖီးယှောင်စခန်းအပါအဝင် Mocha ဆိုင်ကလုန်းမုန်တိုင်းကြောင့် ယာယီနီအိမ်အများအပြားပျက်စီးခရသည့် ရက္ခိုင်ပြည်မြို့နယ်အသီးသီးဟိ မုန်တိုင်းသင့် စစ်ဖီးယှောင်များမှာ လက်ဟိ ကူညီကယ်ဆယ်ရီး အထောက်ပံ့ရဟိမှုနည်းပါးနီကာ ပြန်လည်ထူထောင်ရီး အခက်ကြုံနီကတ်ရကြောင်းသိရသည်။
https://www.facebook.com/arakanprincessmedia1/posts/297648952660066