ကျောက်တော်၊ သရက်အုပ်စစ်ဖီးယှောင်စခန်းတွင် သွီးလွန်တုပ်ကွေးရောဂါ အဖြစ်များနီ

By Arakan Princess Media / 2023 July    26

ကျောက်တော်မြို့နယ်၊ သရက်အုပ်စစ်ဖီးယှောင်စခန်းတွင် ဒေဂုရက်ပိုင်းအတွင်း သွီးလွန်တုပ်ကွေးဖြစ်ပွားသူ သိသိသာသာ များပြားနီကြောင်း သိရသည်။

ယင်းစစ်ဖီးယှောင်စခန်းတွင် ဂျူလိုင် ဒုတိယ အပတ်လောက်မှစ၍ သွီးလွန်တုပ်ကွေးစတင်ဖြစ်ပွားလာခြင်းဖြစ်ပြီး တစတစ များပြားလာကာ လက်ဟိတွင် သွီးလွန်တုပ်ကွေးဖြစ်ပွားသူ ၃၀ ကျော်အထိဟိကြောင်း စခန်းတာဝန်ခံက ပြောသည်။

အဆိုပါ သွီးလွန်တုပ်ကွေးဖြစ်ပွားနီသူများမှာ အချေများနန့်သက်ကြီးပိုင်းများဖြစ်ပြီး အများစုမှာ မြို့ထက်သို့ လားရောက်ဆီးကုသရန် ငွေကြေးအခက်အခဲကြုံနီရ၍ အနားဟိကျေးရွာများ၌ ကုသနီကတ်ရသည်ဟု ဆိုသည်။

သရက်အုပ်စစ်ဖီးယှောင်စခန်းတွင် အိမ်ထောင်စု ၃၀၉ စုနန့် လူဦးရေ ၁၂၀၁ ယောက် ခိုလှုံလျက်ဟိပြီး စစ်ဖီးယှောင်အများစုမှာ မုန်တိုင်းကြောင့် စားဝတ်နီရီးကျပ်တည်းနီကတ်၍ ကျန်းမာရီးမကောင်းဖြစ်လာလျှင် ဆီးကုသရန် အခက်အခဲများနန့် ရင်ဆိုင်နီကတ်ရကြောင်း သိရသည်။

https://www.facebook.com/arakanprincessmedia1/posts/306725341752427

Leave a Reply

Your email address will not be published.