AAနန့်ဆက်စပ်သည်ဆိုကာ ပုဒ်မ ၅၀၅ (က) ဖြင့် တရားစွဲထားသည့် ကျောက်ဖြူ မြို့ခံ ၂ ယောက်အမှုကိုလေ့ ရုံးချိန်း ထပ်ရွှိ

By Arakan Princess Media /2022 July 07

ရက္ခိုင်အမျိုးသားအဖွဲ့ချုပ်/ရက္ခိုင့်တပ်တော် (ULA/AA)နန့် ဆက်စပ်သည်ဟုဆိုကာ စစ်ကောင်စီက မတရားဖမ်းဆီး၍ မြန်မာပြည် အကြည်အညိုပျက်စီမှုပုဒ်မ၅ဝ၅(က)ဖြင့်တရားစွဲဆိုထားသည့်ကျောက်ဖြူမြိုခံ၂ယောက်အမှုကို လူကြီးလမ်းကြောင်းဟိသည်ဟု ဆိုကာ ဒေနိ(ဂျူလိုင်၇ရက်နိ)မှာ ရုံးမထုတ် ခဘဲကျောက်ဖြူမြိုနယ်တရားရုံးကဂျူလိုင်၂၁ ရက် နိသို့ ရုံးချိန်းထပ်ရွှိလိုက်ကြောင်း သိရသည်။

မတရားဖမ်းဆီး တရားစွဲခံထားရသူ ၂ ယောက်မှာ ကျောက်ဖြူမြို့ စေတီတောင်ရပ်ကွက်မှ ဦးသန်းလှိုင်(၄၁ နှစ်)နန့် ဒေါ်ခင်အုန်းနွဲ့ (၅၆နှစ်)ရို့ ဖြစ်ကတ်ပြီး၊ သူရို့အမှုကို ကုန်ခသည့်ဂျုန် ၂၃ရက်နိ ရုံးချိန်း မှာလေ့ လိုပြသက်သီများမရောက်ဟုဆိုကာ စစ်ဆီးခြင်း မပြုဘဲ ဒေနိ(ဂျူလိုင် ၇ ရက်နိ) သို့ ရုံးချိန်းရွှိဆိုင်းထားခခြင်းဖြစ်သည်။

ဦးသန်းလှိုင်နန့်ဒေါ်ခင်အုန်းနွဲရို့ကို ULA/AAအတွက် ငွေကြေးကောက်ခံသည်ဟု စွပ်စွဲကာ မေ ၂၆ရက်နိတွင် ကျောက်ဖြူအခြီစိုက် စစ်ကောင်စီတပ် ခလရ (၃၄) တပ်ရင်းမှ တပ်ဖွဲ့ဝင်များက ဖမ်းဆီးခခြင်းဖြစ် သည်။

ယင်းနောက် သူရို့ကို ခလရ (၃၄) တပ်ရင်းမှ ဗိုလ် ရဲသက်ဇော်က တရားလို ပြုလုပ်၍ ပုဒ်မ ၅၀၅(က)နန့် ကျောက်ဖြူ မြို့နယ် တရားရုံးတွင် တရားစွဲတင်ခသည်။

လက်ဟိတွင် သူရို့ ၂ယောက်ကို ကျောက်ဖြူထောင်ချုပ်မှာ ထိန်းသိမ်းထားဟိပြီး၊ အဂုပိုင် စစ်ဆီးမှုမရှိဘဲ ရုံးချိန်းများ အကြိမ်ကြိမ် ရွှိဆိုင်းနီခြင်းအပေါ် မိသားစုဝင်များ စိတ်ပျက်လျက်ဟိကြောင်း သိဟိရပါသည်။

Website Link>>https://arakanprincess.media/7-7-2022-2/

(Zawgyi)

AA နန့်ဆက်စပ်သည်ဆိုကာ ပုဒ်မ ၅၀၅(က)ဖြင့် တရားစွဲထားသည့် ကျောက်ဖြူမြို့ခံ ၂ ယောက်အမှုကိုလေ့ ရုံးချိန်း ထပ်ရွှိ

APM၊ ဂျူလိုင် ၇/၂၀၂၂

ရက္ခိုင်အမျိုးသားအဖွဲ့ချုပ်/ရက္ခိုင့်တပ်တော် (ULA/AA)နန့် ဆက်စပ်သည်ဟုဆိုကာ စစ်ကောင်စီက မတရားဖမ်းဆီး၍ မြန်မာပြည် အကြည်အညိုပျက်စီမှု ပုဒ်မ၅ဝ၅(က)ဖြင့် တရားစွဲဆိုထားသည့် ကျောက်ဖြူမြိုခံ ၂ ယောက်အမှုကို လူကြီးလမ်းကြောင်းဟိသည်ဟု ဆိုကာ ဒေနိ(ဂျူလိုင် ၇ရက်နိ)မှာ ရုံး မထုတ်ခဘဲ ကျောက်ဖြူမြိုနယ်တရားရုံးက ဂျူလိုင် ၂၁ ရက်နိသို့ ရုံးချိန်းထပ်ရွှိလိုက်ကြောင်း သိရသည်။

မတရားဖမ်းဆီး တရားစွဲခံထားရသူ ၂ ယောက်မှာ ကျောက်ဖြူမြို့ စေတီတောင်ရပ်ကွက်မှ ဦးသန်းလှိုင်(၄၁ နှစ်) နန့် ဒေါ်ခင်အုန်းနွဲ့ (၅၆နှစ်)ရို့ ဖြစ်ကတ်ပြီး၊ သူရို့အမှုကို ကုန်ခသည့်ဂျုန် ၂၃ ရက်နိ ရုံးချိန်းမှာလေ့ လိုပြသက်သီများမရောက်ဟုဆိုကာ စစ်ဆီးခြင်း မပြုဘဲ ဒေနိ(ဂျူလိုင် ၇ ရက်နိ) သို့ ရုံးချိန်းရွှိဆိုင်းထားခခြင်းဖြစ်သည်။

ဦးသန်းလှိုင်နန့်ဒေါ်ခင်အုန်းနွဲရို့ကို ULA/AAအတွက် ငွေကြေးကောက်ခံသည်ဟု စွပ်စွဲကာ မေ ၂၆ရက်နိတွင် ကျောက်ဖြူအခြီစိုက် စစ်ကောင်စီတပ် ခလရ (၃၄) တပ်ရင်းမှ တပ်ဖွဲ့ဝင်များက ဖမ်းဆီးခခြင်းဖြစ်သည်။

ယင်းနောက် သူရို့ကို ခလရ (၃၄) တပ်ရင်းမှ ဗိုလ် ရဲသက်ဇော်က တရားလို ပြုလုပ်၍ ပုဒ်မ ၅၀၅(က)နန့် ကျောက်ဖြူမြို့နယ် တရားရုံးတွင် တရားစွဲတင်ခသည်။

လက်ဟိတွင် သူရို့ ၂ယောက်ကို ကျောက်ဖြူထောင်ချုပ်မှာ ထိန်းသိမ်းထားဟိပြီး၊ အဂုပိုင် စစ်ဆီးမှုမရှိဘဲ ရုံးချိန်းများ အကြိမ်ကြိမ် ရွှိဆိုင်းနီခြင်းအပေါ် မိသားစုဝင်များ စိတ်ပျက်လျက်ဟိကြောင်း သိဟိရပါသည်။

https://www.facebook.com/arakanprincessmedia1/posts/180443951042096

Leave a Reply

Your email address will not be published.