By Boder News Agency (BNA) / 2022 April 13
ရန်ကုန်ကနေ ရခိုင်သို့သယ်ယူလာတဲ့၊သယ်ယူဖို့ပြင်ဆင်ထားတဲ့ ငွေကျပ် ၃၂ ဘီလီယံကျော်တန်ဖိုးရှိတဲ့စိတ်ကြွ ရူးသွပ်ဆေးပြားတွေကို ဧပြီလ ၁၂ ရက်၊မနေ့က ဖမ်းဆီးရမိခဲ့ပါတယ်။
ရန်ကုန်ကနေ ရခိုင်ပြည်နယ်အတွင်းကို ခြောက်ဘီးကားနဲ့ တင်ယူလာတဲ့ စိတ်ကြွရူးသွပ်ဆေးပြား ၁၅ သန်းကို ကနဦးအနေနဲ့ ရခိုင်ပြည်နယ်၊အမ်းမြို့နယ် ၊ပဲပဒုံစစ်ဆေးရေးဂိတ်မှာ ဖမ်းဆီးရမိခဲ့ပြီး အဲဒီကနေ ကွင်းဆက်အနေနဲ့ ရန်ကုန်တိုင်း၊ရွှေပြည်သာမြို့နယ်မှာထပ်ပြီးတော့ ဆေးပြား ၁၀ သန်း ဖမ်းဆီးရမိခဲ့ပါတယ်။
အဲဒီဆေးပြားတွေဟာ ရခိုင်ပြည်နယ်သို့ သယ်ဆော င်မယ့်ဆေးပြားတွေဖြစ်ပြီး ကာလတန်ဖိုးအရ ကျပ်ငွေ ၃၂ ဒသမ ၅ ဘီလီယံတန်ဖိုးရှိကြောင်း မူးယစ်ဆေးဝါးနဲ့ စိတ်ကိုပြောင်းလဲစေသောဆေးဝါးများ အန္တရယ်တားဆီးကာကွယ်ရေးဗဟိုအဖွဲ့(CCDAC Myanmar)ရဲ့ ထုတ်ပြန်ချက်မှာ ဖော်ပြပါတယ်။
လက်ရှိမှာ မူးယစ်ဆေးသယ်ဆောင်လာသူ ခြောက်ဦးကို ဖမ်းဆီးရမိထားပြီး ကွင်းဆက်တွေကို ဆက် လက်စစ်ဆေးနေတယ်လို့ CCDAC Myanmar က ဆိုပါတယ်။
ပြီးခဲ့တဲ့ ဧပြီလ ၅ ရက်ကလည်း အဲဒီအမ်းမြို့နယ် ပဲပဒုံစစ်ဆေးရေးဂိတ်မှာပဲ ငွေကျပ် ဘီလီယံ ၃၀ ကျော်တန်ဖိုးရှိတဲ့ မူးယစ်ဆေးတွေကို ဖမ်းဆီးရမိခဲ့ပါသေးတယ်။
ဒါကြောင့် ဆယ်ရက်အတွင်း ရန်ကုန်ကနေ ရခိုင်ကို ပို့တဲ့ ငွေကျပ်ဘီလီယံ ၆၀ ကျော်တန်ဖိုးရှိ မူးယစ်ဆေးတွေ ဖမ်းဆီးရမိခဲ့တာဖြစ်ပါတယ်။
ဒါ့အပြင် ပြီးခဲ့တဲ့ မတ်လ ၈ ရက်နေ့ကလည်း ရန်ကု န်ကနေ ရခိုင်-ဘင်္ဂလားဒေရှ်နယ်စပ်ကိုပို့မယ့် ငွေကျပ် ၁ ဘီ လီယံကျော်တန်ဖိုးရှိ မူးယစ်ဆေးတွေကို ရန်ကုန်မြို့မှာ ဖမ်းဆီးရမိခဲ့ပါသေးတယ်။
ဒါကြောင့် ရန်ကုန်ကနေ ရခိုင်သို့ ဘီလီယံနဲ့ချီတဲ့ မူးယစ်ဆေးတွေ အဆက်မပြတ်တင်သွင်းနေတာဖြစ်တယ်လို့ ရခိုင်ဒေသခံတစ်ဦးက ဆိုပါတယ်။
“ကုန်ကားကြီးတွေနဲ့ ပေါ်ပေါ်ထင်ထင်ကို သယ်လာကြတာလေ။အခုဖမ်းမိတာက နည်းနည်းလေးပဲ ရှိမယ်ထင်တယ်။ထပ်ပြီးတော့ အများကြီးရှိအုံးမယ်။ကြိုးကိုင်နေတဲ့သူတွေကို မမိသရွေ့တော့ ဘာမှထူးမှာမဟုတ်ပါဘူး။”လို့ ၎င်းက ပြောပါတယ်။
မြန်မာ-ဘင်္ဂလားဒေ့်ရှ်နယ်စပ်ဖြစ်တဲ့ မောင်တောခရို င်အပါအဝင် ရခိုင်ပြည်နယ်အတွင်း များပြားတဲ့ပမာဏနဲ့ မူးယစ်ဆေးဝါးတွေ မကြာခဏ ဖမ်းဆီးရမိပါတယ်။
ဒါပေမယ့် သယ်ယူလာတဲ့ယာဉ်မောင်း တွေကိုပဲ ဖ မ်းဆီးရမိပြီးတော့ ကွင်းဆက်တရားခံ့တွေကိုတော့ ဖမ်းဆီးရခြင်းမျိုး မတွေ့ရဘူးလို့ ဒေသခံပြည်သူတွေက ဝေဖန်ပြောဆိုနေကြပါတယ်။
https://www.facebook.com/permalink.php?story_fbid=160084503100531&id=107469705028678