By VOA / 2022 March 29
မြန်မာ စစ်တပ်က ရိုဟင်ဂျာတွေအပေါ် ကျူးလွန်တဲ့ အကြမ်းဖက်မှုတွေကို သမ္မတ Joe Biden ရဲ့ အမေရိကန်အစိုးရက Genocide ခေါ် လူမျိုးတုံး သတ်ဖြတ်မှုနဲ့ လူသားမျုးိနွယ် အပေါ် ကျူးလွန်တဲ့ ဖြစ်ရပ်အဖြစ် တရားဝင် သတ်မှတ် ကြေညာလိုက်တဲ့ကိစ္စကို PHR လူ့အခွင့်အရေး သမားတော်များအဖွဲ့က ကြိုဆို လိုက်ပါတယ်။ဒါဟာ ရိုဟင်ဂျာတို့အတွက် တရားမျှတမှု ရရှိရေးနဲ့ မြန်မာနိုင်ငံမှာ ကျူးလွန်တဲ့ ပြစ်မှုတွေအတွက် အဓိပ္ပါယ်ပြည့်ဝတဲ့ တာဝန်ယူမှု ၊တာဝန်ခံမှု ရှိစေရေးမှာ အရေးကြီးတဲ့ ခြေလှမ်းတွေ ဖြစ်တယ်လို့လည်း သူတို့ရဲ့ ကြေညာချက်မှာ ဖေါ်ပြထားပါတယ်။
PHR အဖွဲ့ဟာ မြန်မာနိုင်ငံတွင်း လူ့အခွင့်အရေး ချိုးဖေါက်ခံရမှုတွေကို သိပ္ပံနဲ့ ဆေးပညာအသုံးပြု မှတ်တမ်းတင်ပြီး ၊ နိုင်ငံတကာက အာရုံစိုက်လာအောင် (၁၅)နှစ်ကြာ ဆောင်ရွက်ခဲ့တဲ့ အဖွဲ့လည်း ဖြစ်ပါတယ်။ လွတ်မြောက်လာသူ ရိုဟင်ဂျာတွေရဲ့ ဆေးဖက်ဆိုင်ရာ အထောက်အထားနဲ့ ကိုယ်တွေ့ ဖြစ်ရပ်တွေကတဆင့် ၂၀၁၇ သြဂုတ်လကစပြီး ၊ ရခိုင် မြောက်ပိုင်းမှာ ရိုဟင်ဂျာတွေကို ပစ်မှတ်ထားတဲ့ လိင်ပိုင်းဆိုင်ရာ ကျုးလွန်မှု အပါအဝင် စနစ်တကျ အကြမ်းဖက်တာ ၊ ကျေးရွာတွေ မီးရှို့တာ ၊ ပစ်ခတ် သတ်ဖြတ်တာတွေ ကျယ်ကျယ်ပြန့်ပြန့် ရှိခဲ့ကြောင်း သိရှိခဲ့ရတယ်လို့ ဆိုပါတယ်။
အခု ဖြစ်နေတဲ့ စစ်အာဏာသိမ်းမှုကို ရပ်ဆိုင်းဖို့ ၊ ရိုဟင်ဂျာတွေ အပါအဝင် မြန်မာပြည်သူ အားလုံးအပေါ် အကြမ်းဖက် နေတာတွေကို ရပ်တန့်ဖို့ ၊ နိုင်ငံတကာ အသိုင်းအဝိုင်းက ဝင်ရောက်လုပ်ဆောင် ပေးကြဖို့ကိုလည်း သူတို့ ကြေညာချက်မှာ တောင်းဆိုထားပါတယ်။
https://www.facebook.com/VoA.Burmese.News/posts/10159802396055170