By Western News/ 2022 February 12
AAနှင့် ဆက်စပ်၍ ဖမ်းဆီးခံထားရသူ ၄၆ ဦးစလုံးယနေ့ဖေဖော်ဝါရီ ၁၂ ရက်နေ့ နေ့လည်ပိုင်းနှင့် ညနေပိုင်းတို့တွင်အကျဉ်းထောင်နှင့် အချုပ်ခန်းအသီးသီးမှ လွတ်မြောက်လာပြီးဖြစ်ကြောင်းသိရသည်။
လွှတ်မြောက်လာသူထဲတွင် စစ်တွေအကျဉ်းထောင်မှ ၂၆ ဦး၊ သံတွဲအကျဉ်းထောင်မှ ၂ ဦ်း၊ မြောက်ဦးအချုပ်ခန်းမှ ၁၀ ဦး၊ ကျောက်ဖြူအကျဉ်းထောင်မှ ၆ ဦးနှင့် အင်းစိန်အကျဉ်းထောင်မှ ၂ ဦးတို့ဖြစ်ကြောင်း နိုင်ငံရေးအကျဉ်းသားဟောင်း တစ်ဦးဖြစ်သည့် စာရေးဆရာ ဝေဟင်အောင် က Western News ကိုပြောသည်။
“သံတွဲ ၂ ယောက်ရယ်၊ ကျောက်ဖြူ ၆ ယောက်၊ ပြီးတော့ မြောက်ဦးက ၁၀ ယောက်၊ မြောက်ဦး ၁၀ ယောက်ထဲမှ စိတ္တရ ကျေးရွာသား ၇ ဦးပါတယ်။ စစ်တွေအကျဉ်းထောင် ၂၆ ယောက်ရယ်၊ စစ်တွေအကျဉ်းထောင်က လွတ်လာတဲအထဲမှာ လက္ကာကျေးရွာ ၂၃ ယောက်ပါတယ်။ အင်းစိန်ထောင်က ၂ ယောက်ပါတယ်” ဟုပြောသည်။
ဖေဖော်ဝါရီ ၁၂ ရက်နေ့တွင်ကျရောက်သည့် ၇၅ ကြိမ်မြောက် စိန်ရတုပြည်ထောင်စုနေ့ကို ဂုဏ်ပြုသောအနေဖြင့် AAနှင့် ဆက်စပ်၍ ဖမ်းဆီးခံထားရသူ ၄၆ ဦးကို လွတ်ပေးမည်ဟု စစ်ကောင်စီက ထုတ်ပြန်ကြေညာထားသည်။
https://www.facebook.com/westernnewsagency/posts/464128725393637