By RFA/ 2021 July 31
■ ရခိုင်ပြည်နယ်၊ စစ်တွေမြို့မှာ အသက် ၆၅ နှစ်နဲ့အထက် သက်ကြီးပိုင်းတွေကို ကိုဗစ်ကာကွယ်ဆေးတွေ ဒီကနေ့ ဇူလိုင် ၃၁ ရက် မနက်ပိုင်းစလို့ စတင်ထိုးပေးနေပါတယ်။
ဒီကာကွယ်ဆေးတွေဟာ တရုတ်နိုင်ငံထုတ် ကာကွယ်ဆေးဖြစ်ပြီး မနေ့က ဇူလိုင်လ ၃၀ ရက်နေ့ မနက်ပိုင်းကမှ ရခိုင်ပြည်နယ်ကို တပ်မတော် လေယာဉ်နဲ့ ရောက်ရှိလာတာဖြစ်တယ်လို့ သိရပါတယ်။
စစ်တွေမြို့ အထက (၂)၊ အထက (၄)၊ အထက (၉) စတဲ့ အခြေခံပညာသင်ကျောင်းတွေမှာ စုရပ် အနေနဲ့ သက်ကြီးပိုင်းတွေကို စတင်ထိုးနေတာ ဖြစ်ပါတယ်။
ရခိုင်ပြည်နယ်အတွင်းမှာ ကိုရိုနာဗိုင်းရပ်စ် ကူးစက်ခံရလို့ သေဆုံးသူ ၁၇၅ ဦးနဲ့ ကူးစက်ခံရသူ ၂၇၁၄ ဦးရှိတယ်လို့ ရခိုင်ပြည်နယ် ပြည်သူ့ကျန်းမာရေး ဦးစီးဌာနက မနေ့က ထုတ်ပြန်ထားပါတယ်။