ရိုဟင်ဂျာဒုက္ခသည်တွေကို ကာကွယ်ဆေးထိုးပေးဖို့ ရိုဟင်ဂျာခေါင်းဆောင်တဦးတောင်းဆို

By VOA/ 2021 June 17

အကူညီပေးရေးအဖွဲ့တွေက ရိုဟင်ဂျာအိမ်ယာတွေကို ပြန်လည်တည်ဆောက်ပေးနေစဉ် (ဓာတ်ပုံ – AP)

ကမ္ဘာ့အကြီးဆုံး ဒုက္ခသည်စခန်းထဲက ရိုဟင်ဂျာတွေကို ကိုဗစ်ကာကွယ်ဆေးထိုးပေးဖို့ ဘင်္ဂလားဒေ့ရှ်ရောက် ဒုက္ခသည်ခေါင်းဆောင်တဦးက တောင်းဆိုလိုက်ပါတယ်။
ဇွန်လ ၂၀ ရက် လာမယ့် တနင်္ဂနွေနေ့မှာ ကျရောက်မယ့် ကမ္ဘာ့ဒုက္ခသည်များနေ့မတိုင်ခင်မှာ Cox’s Bazar မြို.ရှိ ဒုက္ခသည်စခန်းတစ်ခုက ရိုဟင်ဂျာခေါင်းဆောင်တစ်ဦးဖြစ်တဲ့ Mohammad Mahbubullah က –

“ကျနော်တို့အနေနဲ့ မြန်နိုင်သမျှမြန်မြန် ကာကွယ်ဆေးထိုးဖို့ လိုပါတယ်၊ ဒါမှ Lockdown အသွားအလာပိတ်ထားတာကို ယုတ်လို့ရမှာလေ။ နိုင်ငံတကာအကူအညီတွေ ရဖို့လိုနေပါတယ်။ Lockdown ချထားတာကြောင့် NGO စေတနာ့ဝန်ထမ်းတွေရော၊ နိုင်ငံတကာအလှူရှင်တွေပါ စခန်းတွေထဲ လာလို့မရဘူးဖြစ်နေပါတယ်။ ဒါကြောင့် လူတိုင်းကာကွယ်ဆေးရပြီးရင် အားလုံး လွတ်လွတ်လပ်လပ်သွားလာနိုင်ပြီပေါ့နော်။ ဒီ Lockdown ကြောင့် ကျနော်တို့ ရပ်ရွာတွင်းလုပ်ငန်းတွေတောင် ရပ်ဆိုင်းထားရပြီး ပြဿနာအများကြီးကို တက်နေပါတယ်” လို့ပြောပါတယ်။

တကယ်တော့ ဘင်္ဂလားဒေ့ရှ်က ရိုဟင်ဂျာဒုက္ခသည်စခန်းတွေထဲ ကိုဗစ်-19 ပိုး တွေ့ခဲ့တာကြောင့် မေလ ၂၁ ရက်နေ့ကစပြီး Lockdown ချ အသွားအလာပိတ်ထားတာပါ။
လက်ရှိစခန်းထဲမှာ ကိုဗစ်ပိုးစစ်ဆေးမူတွေလည်း လုပ်ပေးနေရာမှာ တနေ့ကို ပျမ်းမျှလူနာ ၂၀ ကနေ ၃၀ ပဲတွေ့တာကြောင့် လူပြည့်ကျပ်နေတဲ့စခန်းမှာ စိုးရိမ်ရသလောက်အများကြီးမကူးစက်သေးဘဲ အခုချိန်ထိ စုစုပေါင်း ၁,၄၅၁ ဦးမှာသာ ပိုးတွေ့ထားတယ်လို့ Cox’s Bazar ဒုက္ခသည်စခန်းက ဆရာဝန်ကဆိုပါတယ်။

https://www.facebook.com/VoA.Burmese.News/posts/10159230026915170

Leave a Reply

Your email address will not be published.