မင်းပြားမြို့နယ်၊ ခမောင်းတောကျေးရွာမှ ကလေးငယ်နှစ်ဦး ရေနစ်သေဆုံး

By Western News/ 2021 June 9

ရခိုင်ပြည်နယ်၊ မင်းပြားမြို့နယ်၊ ခမောင်းတောကျေးရွာတွင် ယနေ့ ဇွန်လ ၉ ရက် နေ့လည်ပိုင်းက ကလေးနှစ်ဦး ရေနစ်သေဆုံးမှုဖြစ်ပွားခဲ့ကြောင်းသိရသည်။

သေဆုံးသွားသည့် ကလေးငယ်နှစ်ဦးမှာ ခမောင်းတောကျေးရွာမှ ဦးမိုးမိုးကျော်၏သား မောင်မိုးထက်ကျော် အသက်(၅) နှစ်နှင့် ဦးတင်ကျော်ဟန်၏သား မောင်နားတက်ချေ အသက်(၃)နှစ်တို့ဖြစ်သည်။

သေဆုံးသွားသည့် ၎င်းကလေးငယ်နှစ်ဦးမှာ ယနေ့နံနက်ပိုင်းမှ စတင်ကာပျောက်ဆုံး‌နေ၍ လိုက်ရှာကြစဉ် ညနေ ၃ နာရီခန့်တွင် ရွာ၏အရှေ့ဖက် ရေမြောင်းထဲတွင်ရေနစ်သေဆုံးလျှက်တွေ့ရှိခဲ့ခြင်းဖြစ်ကြောင်း ခမောင်းတော ကျေးရွာမှ ကိုမောင်မောင်သန်းက Western News ကိုသည်။

“ကလေးမိဘတွေကတော့ ဒီနေ့ နံနက် ၁၁ နာရီအချိန်ကနေ စပြီးပျောက်ဆုံးနေတာလို့ပြောတယ်။ ဆိုတော့ လိုက်ရှာကြတဲ့အခါ ရွာရဲ့ ရှေ့ဖက်မှာရှိတဲ့ မြောင်းထဲမှာ ရေနစ်သေဆုံးနေတာကို ရှာတွေ့ခဲ့တယ်။ ကလေးတွေ သေဆုံးတဲ့နေရာနဲ့ ရွာနဲ့က တစ်မိုင်နီးပါးလောက်ဝေးတယ်။ အဲဒီနေရာမှာက လူတွေလည်းမနေကြဘူး” ဟုပြောသည်။

သေဆုံးသွားသည့် မောင်မိုးထက်ကျော်နှင့် မောင်နားတက်ချေတို့ မိခင်နှစ်ဦးမှာ ညီအစ်မအရင်း တော်စပ်ကြပြီးအဆိုပါကလေးငယ်နှစ်ဦးအား ခမောင်းတောကျေးရွာသင်္ချုင်းတွင် ယနေ့ညနေ ၅ နာရီအချိန်ခန့်က သင်္ဂြိုဟ်လိုက်ပြီဖြစ်ကြောင်းလည်းသိရသည်။

https://www.facebook.com/westernnewsagency/posts/307229767750201

Leave a Reply

Your email address will not be published.