မာန်အောင်မှာ ဂုံးဈေး ကျဆင်း

By Development Media Group (DMG) / 2021 April 1

မာန်အောင်မြို့နယ်တွင် ယခင်နှစ်ထက် ဂုံးဈေးကျဆင်းနေကြောင်း ရှာဖွေရောင်းချသူများထံမှ သိရသည်။

ယခင်နှစ်က ဂုံးဈေးတစ်ပိဿာကို ဒေသပေါက်ဈေး ၄၅၀၀ ကျပ်ရရှိခဲ့သော်လည်း ယခု ၂၀၂၁ တွင် တစ်ပိဿာကို ဒေသပေါက်ဈေး ၃၀၀၀ ကျပ် ရရှိကြောင်း ဂုံးရှာဖွေသူ ကုန်းတန်းကျေးရွာမှ ကိုမျိုးမြင့်သန့်က ပြောသည်။

” ဒီနှစ်ဂုံးဈေးကတော့ အရင်နှစ်ကထက် ဈေးကျတယ်။ တစ်ဆလောက် ဈေးကျတာပေါ့ နိုင်ငံရေးတည်ငြိမ်မှု မရှိတာကြောင့် အခုလို ဈေးကျ ဒါဖြစ်နိုင်တယ် ” ဟု ဆိုသည်။

ယခုဈေးကျဆင်းနေသည့် ဂုံးအမျိုးအစားမှာ မာန်အောင်ဒေသခေါ် သောင်ဂုံးဖြစ်ပြီး ရောင်းရဈေးနည်းပါးသော်လည်း အရင်းမစိုက်ထည့်ရသည့်အတွက် အဆင်ပြေကြောင်း ဦးယဉ်မိုးက ပြောသည်။

” ဂုံးဈေးက လျော့နည်းပေမယ့် အရင်းသွင်းရတာ သိပ်ရှိတော့ အဆင်ပြေတယ်။ အရင်နှစ်တုန်းက တစ်ရက်ကို နှစ်သောင်းနီးပါးရတယ်။ အခုတော့ တစ်သောင်းကျော်လောက်ရတယ်။ ရတဲ့ ငွေအနေအထားတော့ ကွာတယ်။ အခက်အခဲ တော့မရှိဘူး ” ဟု ဆိုသည်။

အဆိုပါ ဂုံးကို မာန်အောင်မြို့နယ် သိမ္ဗလကမ်းခြေအနီးတွင် ဒီရေကျချိန်အတွင်း ကောက်ယူရခြင်းဖြစ်ပြီး ဂုံးအား ရောင်းချရန်အတွက် ရေပြုတ်ကာ အခွံနွှာခြင်း လုပ်ဆောင်ရသေးသည်ဟု ဂုံးကောက်သူများထံမှ သိရသည်။

မာန်အောင်ဒေသထွက် ဂုံးများကို တရုတ်၊ ထိုင်း စသည့် နိုင်ငံများသို့ ပို့ဆောင်ကြောင်း ဂုံးရောင်းဝယ်သူများက ပြောသည်။

https://www.facebook.com/466648543487562/posts/1979917735493961/

https://www.dmgburmese.com/%E1%80%9E%E1%80%90%E1%80%84%E1%80%B9%E1%80%B8/ma-s-foods.html?fbclid=IwAR3b1mvvJp5U8FRBJTJ80hU3MKkoBuSJgrICvFKotlz-f1l0ItF6g3ttwK0

Leave a Reply

Your email address will not be published.